كوشى-قون قىزمەتى ورگاندارى ۇسىنعان مالىمەتتەرگە سايكەس, بيىلعى قاڭتار-قىركۇيەك ارالىعىندا ەلگە تۇراقتى تۇرۋعا 7246 ادام كوشىپ كەلسە, 25 322 ازامات ەلىمىزدەن كوشىپ كەتكەن. كوشى-قوننىڭ ايىرىمى - 18076 ادامدى قۇرادى. كوشى-قون الماسۋى نەگىزىنەن تمد مەملەكەتتەرى ىشىندە بولىپ جاتىر.
«تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى 84,2% جانە 86,0% قۇرادى», دەپ جازىلعان ستاتيستيكالىق مالىمەتتە.
ال ەل ىشىندە قونىس اۋداراتىندار سانى بىلتىرعى قاڭتار-شىلدەمەن سالىستىرعاندا 0,2%-عا ارتقان. وڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 4 وڭىرىندە بايقالدى: الماتى (22346 ادام), نۇر-سۇلتان (21718 ادام), شىمكەنت (9568 ادام) قالالارىندا جانە ماڭعىستاۋ وبلىسىندا (248 ادام).
