قازاقستان فۋتبول فەدەراتسياسى مەملەكەت قارجىلاندىرۋىنان باس تارتتى

كەلەسى جىلدان باستاپ قازاقستان فۋتبول فەدەراتسياسى مەملەكەتتىك جانە كۆازيمەملەكەتتىك قۇرىلىمدار ەسەبىنەن قارجىلاندىرۋدان باس تارتۋ تۋرالى شەشىم قابىلدادى. ۇيىم ۋەفا قاراجاتىنىڭ ءتۇسۋى, سونداي-اق دەمەۋشىلىك اقشانى تارتۋ ەسەبىنەن قارجىلاندىرىلادى. 

سوندىقتان, ۇلتتىق قۇرامانىڭ ساتسىزدىكتەرىنەن كەيىن ءوزىن جارنامالاعىسى كەلەتىن سىنشىلار مەن پوپۋليستەرگە ايتايىن: سىزدەر, ەڭ بولماعاندا, ماسەلەنىڭ ءمانىن تۇسىنۋگە تىرىسىڭىزدار, ويعا كەلگەندى ايتا بەرۋدىڭ الدىندا ماتەريالدىق بولىگىن وقىپ شىعىڭىزدار.

فۋتبول ارقاشان ءبىزدىڭ ەلدە بولعان جانە سولاي بولىپ قالادى. بۇل, ءسوزسىز, ميلليونداعان ادام ۇناتاتىن سپورت ءتۇرى. ارينە, ونى جاڭا دەڭگەيگە كوتەرۋ ءۇشىن جىلدار قاجەت جانە بارلىعىنىڭ قولداۋى قاجەت. كوماندا جەڭىسكە جەتسە, سىزدەر كەشە وسى جىگىتتەرگە ايتقان سىندى ۇمىتىپ, ولاردى ءاردايىم قولدادىق دەيسىزدەر. سوندىقتان كوماندانىڭ باسىنان ءاردايىم جەڭىلىس تە, جەڭىس تە قاتار وتەدى.

سونداي-اق, جاقىن ارادا ۇلتتىق قۇرامانىڭ باس جاتتىقتىرۋشىسىمەن بىرگە جۇرتشىلىقتى تولعاندىراتىن سۇراقتارعا جاۋاپ بەرۋ ءۇشىن جەتەكشى سپورت جۋرناليستەرىمەن كەزدەسۋ وتكىزەمىز», دەپ كەلتىرەدى قفف سايتى ءايتحوجيننىڭ ءسوزىن.

ەسكە سالايىق, قازاقستان قۇراماسى 2022 جىلعى الەم چەمپيوناتىندا ىرىكتەۋ كەزەڭىن D توبىنىڭ سوڭعى ورنىندا اياقتادى. قۇرامامىز فرانتسيادان ويسىراي ۇتىلعان ەدى. بۇل قازاقستاننىڭ رەسمي ويىندارداعى ەڭ ءىرى جەڭىلىسى بولىپ تىركەلدى. فرانتسيا قۇراماسى قازاقستاندىق فۋتبولشىلاردى 8:0 ەسەبىمەن جەڭدى. ماتچتە كيليان مباپپە فرانتسيا ساپىنداعى العاشقى پوكەرىن جاسادى. ودان بولەك, كاريم بەنزەما ەكى گول سوقسا, گريزمانن مەن رابو دا ءبىر-ءبىر گولمەن ەسەپتى ەسەلەدى.