«پاندەميا جاعدايىندا, قىسقا عانا ۋاقىتتىڭ ىشىندە 17 اۋرۋحانا سالىنىپ, نەگىزگى اۋىرتپالىقتى موينىنا الدى», دەدى اسقار مامين باق وكىلدەرىنىڭ ساۋالىنا وراي.
ونىڭ اتاپ وتۋىنشە, اتالعان اۋرۋحانالار ەڭ زاماناۋي قۇرال-جابدىقتارمەن قامتاماسىز ەتىلگەن. سونىمەن قاتار مەديتسينا قىزمەتكەرلەرىنىڭ جۇمىس ىستەۋىنە دە بارلىق جاعداي جاسالعان. ءدال وسى جايت پاندەميا كەزىندە, ناۋقاستار سانى ارتقاندا ولاردى ەمدەۋگە مۇمكىندىك بەردى.
«جوسپارىمىزدا بۇكىل قازاقستاندا 20 زاماناۋي گوسپيتال سالۋ بار. وسى تۇرعىدا تۇركيانىڭ تاجىريبەسىن زەردەلەدىك. تۇركياعا ارنايى تۇردە جۇمىس ساپارىمەن بارىپ, سالىنعان گوسپيتالداردا بولدىم. تۇركيا بۇل سالادا سەرپىلىس جاساعان. قازىرگى ۋاقىتتا قازاقستاندا سونداي مودەلدەردى جۇزەگە اسىراتىن بولامىز. بۇگىندە مەملەكەتتىك-جەكەشەلىك ارىپتەستىك ارقىلى بىرنەشە گوسپيتال سالىنىپ جاتىر. ولار بىزگە الداعى بىرنەشە ونداعان جىلعا دايىن بولۋىمىزعا مۇمكىندىك بەرەدى», دەدى اسقار مامين
