بۇيرىق قاعيدالارى اقتالعان ادامدارعا كۋالىكتەر بەرۋ ءتارتىبىن كوزدەيدى.
«كۋالىك ساياسي قۋعىن-سۇرگىنگە ۇشىراپ اقتالعان ادامعا ءوزى نە ۋاكىلەتتى ورگانعا وكىلى ارقىلى ءوتىنىش بەرگەننەن كەيىن بەرىلەدى», دەلىنگەن قۇجاتتا.
وتىنىشكە كەلەسى قۇجاتتار قوسا بەرىلەدى:
- جەكە باستى كۋالاندىراتىن قۇجات;
- اقتاۋ تۋرالى انىقتاما نەمەسە سوت ۇيعارىمىنىڭ (قاۋلىسىنىڭ) كوشىرمەسى;
- وكىل ارقىلى جۇگىنگەن جاعدايدا ونىڭ وكىلەتتىگىن راستايتىن قۇجات.
سالىستىرىپ تەكسەرۋ ءۇشىن قۇجاتتاردىڭ تۇپنۇسقالارى مەن كوشىرمەلەرى ۇسىنىلادى, سودان كەيىن قۇجاتتىڭ تۇپنۇسقاسى ءوتىنىش بەرۋشىگە قايتارىلادى.
ءوتىنىشتى تىركەۋ اقتالعان ادامعا بىرىڭعاي ۇلگىدەگى كۋالىك الۋعا ۇمىتكەر ادامداردى تىركەۋ جۋرنالىندا جۇزەگە اسىرىلادى.
ءوتىنىشتىڭ تىركەلگەن كۇنى, قۇجاتتاردى قابىلداعان ادامنىڭ تەگى مەن اتى-ءجونى كورسەتىلگەن ءوتىنىشتىڭ ۇزبەلى تالونى ءوتىنىش بەرۋشىدەن قۇجاتتار توپتاماسىنىڭ قابىلدانعانىن راستايتىن قۇجات بولىپ تابىلادى.
ۋاكىلەتتى ورگان ءوتىنىش تىركەلگەن كۇننەن باستاپ بەس جۇمىس كۇنى ىشىندە ءوتىنىش بەرۋشىگە كۋالىك بەرۋدى ەسەپكە الۋ جۋرنالىنا بەلگى قويا وتىرىپ, كۋالىك بەرەدى. كۋالىك جوعالعان نەمەسە ب ۇلىنگەن جاعدايدا اقتالعان ادام ۋاكىلەتتى ورگانعا وتىنىشپەن جۇگىنۋى كەرەك.
ءوتىنىشتىڭ تىركەلگەن كۇنى, قۇجاتتاردى قابىلداعان ادامنىڭ تەگى مەن اتى-ءجونى كورسەتىلگەن ءوتىنىشتىڭ ۇزبەلى تالونى ءوتىنىش بەرۋشىدەن قۇجاتتار توپتاماسىنىڭ قابىلدانعانىن راستايتىن قۇجات بولىپ تابىلادى.
ۋاكىلەتتى ورگان ءوتىنىش بەرىلگەن كۇننەن باستاپ بەس جۇمىس كۇنىنەن كەشىكتىرمەي كۋالىكتىڭ تەلنۇسقاسىن بەرەدى.
اقتالعان ادامدارعا كۋالىكتەر بەرۋ جونىندەگى ۋاكىلەتتى ورگان اۋدانداردىڭ جۇمىسپەن قامتۋ جانە الەۋمەتتىك باعدارلامالار بولىمدەرى, وبلىستىق ماڭىزى بار قالالاردىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارى, نۇر-سۇلتان, الماتى جانە شىمكەنت قالالارىنىڭ جۇمىسپەن قامتۋ جانە الەۋمەتتىك باعدارلامالار باسقارمالارى بولىپ تابىلادى.
بۇيرىق جوباسى 29 قاراشاعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.
