پرەمەر-مينيستر اسقار مامين ۇكىمەتتىڭ تسيفرلىق كەڭسەسىندە ورتالىق مەملەكەتتىك ورگاندار باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-ت ۇلىك تاۋارلارىنىڭ ء(امات) باعالارىن رەتتەۋ ماسەلەلەرى بويىنشا كەڭەس وتكىزدى.
قازىرگى جاعداي مەن جۇرگىزىلىپ جاتقان جۇمىس تۋرالى ساۋدا جانە ينتەگراتسيا ۆيتسە-ءمينيسترى ەرجان قازانباەۆ, اۋىل شارۋاشىلىعى ءمينيسترى ەربول قاراشوكەەۆ, باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, الماتى قالاسىنىڭ اكىمى باقىتجان ساعىنتاەۆ, شىمكەنت قالاسىنىڭ اكىمى مۇرات ايتەنوۆ, تۇركىستان وبلىسىنىڭ اكىمى ومىرزاق شوكەەۆ, الماتى وبلىسىنىڭ اكىمى اماندىق باتالوۆ جانە ت. ب. باياندادى.
وتكەن اپتادا قازاقستاندا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ جالپى ءوسۋ يندەكسى 0,0% قۇرادى. قابىلدانعان شارالار ەسەبىنەن ەكىنشى اپتا قاتارىنان كارتوپ (-0,4%), پياز (-1,3%) جانە ءسابىز (-2%) باعاسىنىڭ تومەندەۋى بايقالادى. ءبىر اپتا ىشىندە قىرىققابات باعاسىنىڭ ءوسۋ قارقىنى 0,1%-عا دەيىن تومەندەدى.
وڭىرلەردە «اينالىم سحەماسىن» قارجىلاندىرۋ 47,9 ملرد تەڭگەگە جەتتى. نىسانالى دەڭگەي 95,7%-عا قامتاماسىز ەتىلدى. «اينالىم سحەماسى» بويىنشا ءتيىمدى جۇمىس نۇر-سۇلتان, الماتى جانە شىمكەنت قالالارىندا, الماتى, شىعىس قازاقستان, باتىس قازاقستان, قوستاناي, سولتۇستىك قازاقستان جانە تۇركىستان وبلىستارىندا بايقالادى.
وتكەن اپتادا باسەكەلەستىكتى قورعاۋ جانە دامىتۋ اگەنتتىگى باعا بەلگىلەۋ بويىنشا باسەكەلەستىككە قارسى ءسوز بايلاسقان ءىس-ارەكەتتەر بەلگىلەرى بويىنشا اقمولا, پاۆلودار, سولتۇستىك قازاقستان جانە قاراعاندى وبلىستارىندا تاۋىق جۇمىرتقاسىن وتكىزۋدى جۇزەگە اسىراتىن 7 قۇس فابريكاسىنا قاتىستى تەرگەۋدى باستادى.
تاۋىق جۇمىرتقاسى, قۇس ەتى جانە قانت نارىعى سۋبەكتىلەرىنە باعالىق ءسوز بايلاسۋ بەلگىلەرىنىڭ بولۋىنا جانە ءتۇرلى باعالاردى قولدانۋىنا قاتىستى 12 حابارلاما جىبەرىلدى.
شىعىس قازاقستان وبلىسىنىڭ كوتەرمە جەتكىزۋشىسىمەن مونوپولياعا قارسى كومپلاەنستىڭ 1 اكتىسى جاسالدى. جالپى, رەسپۋبليكا بويىنشا وندىرۋشىلەرمەن, كوتەرمە جەتكىزۋشىلەرمەن جانە ساۋدا جەلىلەرىمەن مونوپولياعا قارسى كومپلاەنستىڭ 140 اكتىسى جاسالدى.
پرەمەر-مينيستر ورتالىق مەملەكەتتىك جانە جەرگىلىكتى اتقارۋشى ورگاندارعا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ جانە تومەندەتۋ, سونداي-اق ينفلياتسيانىڭ جالپى دەڭگەيىن 8,5% شەگىندە ۇستاپ تۇرۋ بويىنشا جۇمىستى جالعاستىرۋدى تاپسىردى.
وڭىرلەر اكىمدىكتەرىنە «اينالىم سحەماسى» بويىنشا قارجىلاندىرۋدى ۇسىنىلعان كولەمدەرگە جەتكىزۋ, ازىق-ت ۇلىك بويىنشا بەس ايلىق قوردى قامتاماسىز ەتۋ, ساۋدا جەلىلەرى مەن وندىرۋشىلەر اراسىندا فورۆاردتىق كەلىسىمشارتتار جاساسۋدى ۋاقىتىلى ۇيىمداستىرۋ تاپسىرىلدى.
