ەلوردا • 12 قاراشا، 2021

ەلوردادا كوممۋنالدىق تاريفتەر قاشان ارزاندايدى؟

60 رەت كورسەتىلدى

نۇر-سۇلتان قالاسىنىڭ تۇرعىن ءۇي ورتالىعىندا كوممۋنالدىق تاريفتەر باعاسىن تومەندەتۋ ماسەلەسى تالقىلاندى، دەپ جازادى Egemen.kz.

اتالعان شاراعا تۇرعىن ۇيگە قاتىستى ۇيىمدار مەن ونىڭ باسشىلارى، «Nur Otan» پارتياسىنىڭ مۇشەلەرى، «اتامەكەن» قر ۇلتتىق كاسىپكەرلەر پالاتاسىنىڭ وكىلدەرى جانە ت.ب. قاتىستى. ولار مينيمالدى تاريف باعاسىن ەنگىزۋ جايىن تالقىلادى.

«تۇرعىن ءۇي ورتالىعىندا كوپپاتەرلى تۇرعىن ۇيلەردى كۇتىپ ۇستاۋ بويىنشا مينيمالدى ءتاريفتى بەكىتۋ بويىنشا العاشقى جۇمىس توبىنىڭ وتىرىسى ءوتتى. مۇندا بارلىق تاراپتاردىڭ ۋاجدەرىن تىڭداپ، مينيمالدى تاريفتەردى بەكىتۋ بويىنشا ءبىر شەشىمگە كەلۋ ءۇشىن جينالدى. سوسىن ونى ماسليحاتقا ۇسىناتىن بولامىز. بۇل جۇمىستاردىڭ ءبارى تولىعىمەن شەشىلەدى. قازىر تۇرعىندار تاريف باعاسىن تومەندەتۋدى سۇراپ جاتىر»، دەدى نۇر-سۇلتان قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ سارىارقا اۋدانى ينسپەكتسياسىنىڭ ءبولىم باسشىسى ەركەبۇلان كوشكىنباي.

ءىس-شاراعا جينالعاندار كوممۋنالدىق تاريف باعاسىنىڭ قىمبات ەكەنىن ايتىپ، اعىمداعى تاريف تۇرعىندارعا سالماق ءتۇسىرىپ جاتقانىن جەتكىزدى. وسى ورايدا، الەم ەلدەرىندەگى تاريف جۇيەسىن ءسوز ەتىپ، ءۇيدىڭ شارشى مەترىنە قاراپ، تاريف باعاسىن بەكىتۋدى ۇسىندى. وسىعان بايلانىستى ءماسليحات تۇرعىنداردىڭ جاعدايىن ەسكەرۋ قاجەتتىگىن ايتتى.

سوڭعى جاڭالىقتار

ۇقساس جاڭالىقتار