تاۋ تۇلعالار تۋرالى تۋىندى

كورمە كەيىپكەرى, ەڭ الدىمەن, بەي­نەنىڭ ەپيكالىق كۇشى ءومىردىڭ وتپەلى ساتتەرىنىڭ رومانتيكالىق سەزىم­دەرى­مەن ۇيلەسەتىن مونۋمەنتالدى جۇ­مىستارىمەن تانىمال. ءبىز­دىڭ كو­ڭىلىمىزگە قاتتالعان اۋەزوۆ بەي­نەسى, ءال-فارابي مەن اباي تۇلعاسى, ت.جۇر­گەنوۆ ەسكەرتكىشى سەرگەباەۆ قولتاڭباسىن ايگىلەگەن ءتول تۋىندىلار. قوندىرعىلى پلاستيكا سالاسىندا ءونىمدى ەڭبەك ەتكەن ونىڭ شىعارماشىلىق جولى ءومىرىن ونەرمەن ورگىسى كەلگەندەرگە اينىماس ۇلگى.

ءمۇسىنشىنىڭ بەلسەندى شىعار­ما­شىلىق قىزمەتى 60-جىلدارى, قا­زىرگى زاماننىڭ قاجەتتىلىكتەرىنە جاۋاپ بەرەتىن, بويىنا وبرازدىڭ استارلى ءمانىن, ەپيكاسى مەن اللەگوريا­سىن بىرىكتىرەتىن جاڭا كوركەمدىك ءستيلدى قالىپتاستىرۋدى ماقسات ەتكەن, كە­ڭەس­تىك ونەرگە تالانتتى سۋرەتشىلەر مەن مۇسىنشىلەردىڭ جاڭا بۋىنى كەلگەن كەزدە باستالدى. ە.سەرگەباەۆتىڭ ەرتەرەكتەگى «س.ايتباەۆتىڭ پورترەتى» (1967), «اباي» (1968), «زامانداستىڭ پورترەتى» (1972) كومپوزيتسيالارى فور­ما­سىنىڭ جالپىلىعىمەن, سۇل­بانىڭ ورنىق­تىلىعىمەن جانە تۇتاس­تىعىمەن, ىشكى ەنەرگەتيكاسىمەن جانە اۆتوردىڭ زىمىراعان ۋاقىت سەزىمىن, اكەلەر مەن بالالار اراسىنداعى رۋحاني ساباق­تاستىقتىڭ ماڭىزدىلىعىن جەتكىزۋگە ۇمتىلى­سىمەن ەرەكشەلەنەدى. 80-جىل­دارداعى ەڭبەكتەرىندە شەبەر مونۋمەن­تالدى ستيلگە, وتكەن مەن بۇگىندى فيلو­سوفيالىق پايىمداۋعا بەت بۇرادى.

ەسكەن سەرگەباەۆ 1940 جىلى 19 مامىردا الماتىدا دۇنيەگە كەلدى. ن.گو­گول اتىنداعى كوركەمسۋرەت ۋچي­لي­ششە­سىندە ن.جۋراۆلەۆتەن ءتالىم الدى. 1969 جىلى ي.رەپين اتىنداعى لە­نينگراد كەسكىندەمە, ءمۇسىن جانە ساۋلەت ينس­تيتۋتىنىڭ ءمۇسىن فاكۋلتەتىن ءبىتىر­دى. 1960 جىلدان قازاق كسر كوركەمسۋرەت قورىندا جۇمىس ىستەدى, ال 1974 جىلدان «ونەر» كوركەمسۋرەت كومبيناتىندا باس سۋرەتشى بولدى.

كوركەمونەر اكادەمياسىنىڭ تو­لىق مۇشەسى ە.سەرگەباەۆ وقىتۋ­شى­لىق قىز­مەتتى بەلسەندى اتقارىپ كە­لەدى. 1969 جىلدان باستاپ ن.گوگول اتىن­داعى الماتى كور­كەمسۋرەت ۋچي­لي­ششەسىندە, ال 1978 جىلدان تەاتر جانە كوركەمسۋرەت ينستيتۋتىن­دا وقىتۋشى, كەيىننەن دوتسەنت بولىپ جۇمىس ىستەدى. 2010 جىلدان باستاپ قا­زىرگى ۋاقىتقا دەيىن ە.سەرگەباەۆ ت.جۇرگەنوۆ اتىنداعى قازاق ۇلت­تىق ونەر اكادەمياسىندا ءمۇسىن كافەدرا­سى­نىڭ مەڭگەرۋشىسى, پروفەسسورى قىز­مەتىن اتقا­رادى.

ەكسپوزيتسياعا اۆتوردىڭ ءا.قاستەەۆ اتىنداعى ونەر مۋزەيى قورىندا جانە ءوز شەبەرحاناسىندا ساقتالعان ءار جىل­دارداعى 70 شىعارماسى ەنىپ وتىر. تاۋەلسىزدىك تويىنا ارنالعان رۋحاني جوبا جەلتوقسان ايىنىڭ ورتاسىنا دەيىن جالعاسادى.

الماتى