ويناپ ءجۇرىپ وت باسقاندار ءوزىنىڭ قاتەلىگىن ءتۇسىنۋى ءۇشىن وسىدان ءۇش جىل بۇرىن پروباتسيا قىزمەتى قۇرىلدى. پروباتسيا قىزمەتى – قىلمىستىق جازالاردىڭ قوعامنان وقشاۋلاماي ورىندالۋىن قامتاماسىز ەتۋ, سونداي-اق پروباتسيانى ۇيىمداستىرۋ جانە ونىڭ جۇمىس ىستەۋى جونىندەگى اتقارۋشىلىق جانە وكىمدىك فۋنكتسيالاردى جۇزەگە اسىراتىن قىلمىستىق-اتقارۋ (پەنەتەنتسيارلىق) جۇيەسىنىڭ ورگانى.
– قازىرگى تاڭدا تۇركىستان وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى تۇركىستان قالالىق پروباتسيا قىزمەتى ءبولىمىنىڭ ەسەبىندە 250 سوتتالعان ازامات ەسەپتە تۇرادى. ەسەپتەگى سوتتالعان ادامدار اراسىندا ءارتۇرلى مىنەز-ق ۇلىقتى ادامدار كەزدەسەدى, ءبىرى قىلمىس جاساعانىنا وكىنىپ, كەلتىرگەن زالالدىڭ ورنىن تولتىرىپ, تۇزەلۋ جولىنا تۇسكەن ازاماتتار بولسا, ەندى ءبىرى تارتىپكە باعىنباي, سوت جۇكتەگەن مىندەتتەردى اتقارماي, جازا وتەۋ ەرەجەلەرىن قاسكويلىكپەن بۇزىپ, تەمىر تورعا توعىلىپ جاتقاندار دا كەزدەسەدى.
ءوزىنىڭ قاتەلىگىن قايتا جاساپ, قاتاڭ جازاعا تاعايىندالاتىن ادامدار دا كەزدەسىپ جاتادى. وسىندايدا تۇركىستان وبلىسى بويىنشا قاج دەپارتامەنتىنە قاراستى تۇركىستان قالالىق پروباتسيا قىزمەتىنە تىركەۋگە الىنىپ, جازا وتەۋ ءتارتىبىن قاسكويلىكپەن بۇزعان ازاماتتىڭ قاتەلىگىن وزگەلەر قايتالاماسىن دەگەن ويمەن وقىرمان نازارىنا ۇسىنىپ وتىرمىز.
2021 جىلى بوتەننىڭ مۇلكىن جاسىرىن جىمقىرعان د. دەگەن ازامات تۇركىستان قالالىق سوتى بويىنشا 9 اي 4 كۇن مەرزىمگە پروباتسيا ەسەبىنە الىنعان بولاتىن. وزىنە بەرىلگەن وسىنداي از مەرزىمدە قۇقىق بۇزۋشىلىققا جول بەرمەي, وزىنە جۇكتەلگەن مىندەتتى ورىنداماۋدىڭ سالدارى قاتاڭ جازاعا الىپ كەلىپ سوعاتىنىن استە ويلاماسا كەرەك. ول قك-ءنىڭ 300-بابى بويىنشا جازاعا تارتىلعان-دى ءوزىنىڭ قوعامعا كەلتىرگەن زياندى ارەكەتىنەن ساباق الماي «ۋچاسكە» پروفيلاكتيكالىق ءىس-شارا بارىسىندا تىركەلۋگە كەلمەي, كەشكى ۋاقىتتا تۇرعىلىقتى مەكەنجايىندا بولماي, سونداي-اق اقىسىز ەڭبەكتى ورىنداۋدان باس تارتقان.
– تۇركىستان قالالىق پروباتسيا قىزمەتىنىڭ ەسەبىنە الىنعان العاشقى كۇنى بۇل ازاماتقا ءوزىنىڭ قۇقىقتارى مەن مىندەتتەرى تۇسىندىرىلگەن. الايدا ول جازا وتەۋ بارىسىندا وزىنە سوتپەن بەرىلگەن مۇمكىندىكتى ءتيىستى دەڭگەيدە ورىندامادى. وعان جازا وتەۋ ءتارتىبى مەن شارتتارى تۇسىندىرىلگەنىنە قاراماستان, بىرنەشە رەت اكىمشىلىك جاۋاپكەرشىلىككە تارتىلىپ, بەلگىلەنگەن ۋاقىتتا ۇيىندە بولماي, پروفيلاكتيكالىق ءىس-شارالارعا قاتىسۋ ءۇشىن ەسەپ بەرۋگە كەلمەي, سوت جۇكتەگەن مىندەتتەردى ورىنداماي جازا وتەۋ ءتارتىبىن قاساقانا بۇزعانى ءۇشىن جانە الداعى ۋاقىتتا جاڭادان قىلمىس جاساۋىنىڭ الدىن الۋمەن ونىڭ تۇزەلۋ جولىنا تۇسۋىنە ىقپال جاساۋ ماقساتىندا, پروباتسيا قىزمەتىنىڭ ۇسىنىسى قاناعاتتاندىرىلىپ, سوتتالۋشى ازاماتتىڭ جازاسىنىڭ وتەلمەگەن بولىگى باس بوستاندىعىنان ايىرۋ جازاسىنا اۋىستىرىلىپ, جازانى قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەلەرىندە وتەۋ بەلگىلەندى, – دەدى تۇركىستان قالالىق پروباتسيا قىزمەتىنىڭ ينسپەكتورى, ادىلەت اعا لەيتەنانتى جاسۇلان ءشارىپوۆ.
باۋىرجان مومىش ۇلى اتامىزدىڭ: ء«تارتىپسىز ەل بولمايدى, تارتىپكە باس يگەن قۇل بولمايدى» دەگەن ۇلاعاتتى ءسوزىن ەلىمىزدىڭ ءاربىر ازاماتى ەستە ساقتاسا ەكەن. جوعارىدا ايتىلعانداردى قورىتىندىلاي كەلە, ءاربىر قازاقستان رەسپۋبليكاسىنىڭ ازاماتى ءبىرىنشى كەزەكتە اتا زاڭىمىزدى, سونىمەن قاتار بارلىق ىرگەلەس زاڭدا كورسەتىلگەن تالاپتاردى ساقتاپ, ارتىمىزدان ءوسىپ كەلە جاتقان جاس ۇرپاققا ونەگە جانە ۇلگى بولۋى كەرەك.
