وقيعا • 11 قاراشا, 2021

تۇركىستان وبلىسىندا پوشتا بولىمشەسىنەن 35 ميلليون تەڭگە ۇرلانعان

175 رەت

كورسەتىلدى

1 مين

وقۋ ءۇشىن

تۇركىستان وبلىسىنىڭ پوليتسەيلەرى سارىاعاشتاعى پوشتا بولىمشەسىنەن 35 ميلليون تەڭگە ۇرلاعان كۇدىكتىنى ۇستادى, دەپ حابارلايدى Egemen.kz.

گاۋھار قاپاش

تۇركىستان وبلىسىندا پوشتا بولىمشەسىنەن 35 ميلليون تەڭگە ۇرلانعان

سارىاعاش اپب-نە پوشتا بولىمشەسىنىڭ قىزمەتكەرى بەلگىسىز بىرەۋلەر مەكەمەگە تيەسىلى 35 ميلليون تەڭگەنى ۇرلاپ كەتكەنىن ايتىپ, ارىزدانعان. بۇل دەرەكتى پوليتسەيلەر قر قك-ءنىڭ 190-بابى «الاياقتىق» بويىنشا تىركەگەن.

كورسەتىلگەن مەكەنجاي بويىنشا وقيعا ورنىنا بارعان ءتارتىپ ساقشىلارى بەينەباقىلاۋ كامەرالارىنداعى جازبالاردى مۇقيات تەكسەرىپ, باسقا زاتتاي دالەلدەمەلەردى زەرتتەدى. جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى پوشتا قىزمەتكەرلەرىنىڭ ءبىرى بولىپ شىققان كۇدىكتىنى انىقتادى.

سونداي-اق, تەرگەۋ بارىسىندا جەدەل ۋاكىلدەر كۇدىكتىگە قىلمىس جاساۋعا كومەكتەسكەن ونىڭ ەكى سەرىكتەسىن انىقتادى. ولاردىڭ ءبىرى - جەرگىلىكتى تۇرعىن, ال ەكىنشىسى - سەمەي قالاسىنىڭ تۇرعىنى.

پوشتا قىزمەتكەرى ەكى سەرىكتەسىمەن بىرگە الدىن الا كەلىسىپ, الاياقتىق جولمەن مەكەمە قورىنان اقشا ۇرلاپ, ونى ءوز شوتىنا اۋدارعان. ۇرلانعان اقشانى ءوزارا بولىسكەن.

قازىر بۇل قىلمىس بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەردىڭ ۇشەۋى دە قاماۋعا الىندى. وقيعانىڭ ءمان-جايى تەرگەۋ بارىسىندا انىقتالادى.