ۇلتتىق كوميسسيا وتىرىسى

كەشە استانا قالالىق اكىمدىگىندە قازاقستان رەسپۋبليكاسىنىڭ يۋنەسكو جانە يسەسكو جونىندەگى ۇلتتىق كوميسسياسىنىڭ 2009 جىلعى جۇمىس قورىتىندىسىن جانە 2010 جىلعى جۇمىس جوسپارىن تالقىلاعان وتىرىسى بولىپ ءوتتى. ونىڭ جۇمىسىن استانا قالا­سى­نىڭ اكىمى, كوميسسيا توراعاسى يمانعالي تاسماعامبەتوۆ اشىپ, جۇرگىزىپ وتىردى. ول ءوزىنىڭ كىرىسپە سوزىندە وتكەن جىلى قازاقستان مەن يۋنەسكو جانە يسەسكو اراسىن­­داعى قاتىناستاردا نەگىزگى نازار ءبى­لىم بەرۋ جۇيەسىندەگى ىنتىماق­تاس­تىقتى دامىتۋعا جانە ءبىلىمنىڭ ين­كليۋزيۆتى قوعامدارىن قۇرۋعا, مادەنيەتتەردى جاقىنداس­تىرۋدىڭ حالىقارالىق جىلى اياسىندا ءتوزىم­دىلىك جانە مادە­نيەت­تەر مەن وركە­نيەتتەر اراسىنداعى ۇنقاتىسۋ يدەيالارىن تاراتۋعا ىق­پال ەتۋگە ارنالعانىن ايتىپ ءوتتى. ودان كەيىن  توراعا العاشقى ءسوز­دى قازاقستاننىڭ يۋنەسكو-داعى تۇراقتى وكىلى ولجاس سۇلەي­مەنوۆكە بەردى. وتكەن جىل قازاق­ستان مەن يۋنەسكو اراسىنداعى ىنتىماقتاستىق ءۇشىن اسا تابىستى جىل بولدى, دەدى تۇراقتى وكىل. سو­نىڭ ىشىندەگى باستى وقيعالاردىڭ قاتارىنا قازاقستان دەلەگاتسيا­سى­نىڭ يۋنەسكو باس كونفەرەن­تسيا­سىنىڭ 35-سەسسياسىنا قاتىسۋىن جات­قىزۋعا بولادى. وسى كونفەرەن­تسيادا قازاقستان ۇيىمنىڭ 2009-2013 جىلدارداعى اتقارۋشى كەڭە­سىنە, كوممۋنيكاتسيانى دامىتۋدىڭ حالىقارالىق باعدارلاماسى كەڭە­سى­نە, “ادام جانە بيوسفەرا” باع­دارلاماسىنىڭ حالىقارالىق ۇيلەس­تىرۋ كەڭەسىنە, ۇكىمەتتىك ەمەس ۇيىم­دار جونىندەگى حالىقارالىق كومي­تەتكە, سونداي-اق يۋنەسكو-نىڭ شتاب-پاتەرىندەگى كوميتەتتىڭ بيۋروسىنا مۇشە بولىپ سايلاندى. يۋنەسكو-نىڭ جاڭا باس ديرەك­تورى يرينا بوكوۆا (بولگاريا) تاراپىنان قازاقستاننىڭ ۇيىم شەڭبەرىندەگى جۇمىستارىنا جوعارى باعا بەرىلىپ, قولداۋ ءبىلدىرىلىپ وتىر. وتكەن جىلدىڭ مامىر ايىندا الماتىدا يۋنەسكو-نىڭ 5 سۋباي­ماقتىق سەمينارى بولىپ ءوتتى. ونىڭ بارىسىندا “قىتاي مەن ورتا­لىق ازياداعى جىبەك جولى ەسكەرتكىشتەرىنىڭ” سەريالىق نومي­ناتسياسىن دايىنداۋ ماسەلەلەرى تالقىلاندى. سونىڭ ىشىندە قازاق­ستان جاعى بۇكىلالەمدىك مۇرالار قاتارىنا قوسۋ ءۇشىن 10 نىساندى ۇسىندى. كوميسسيانىڭ باسقا مۇشەلەرى دە ءوز سالالارى بويىنشا وسى با­عىتتاعى اتقارىلعان جۇمىستاردى قورىتىندىلاپ ءوتتى. سونىڭ ىشىندە 2009-2011 جىلدارعا ارنالعان “مادەني مۇرا” باعدارلاماسىنىڭ شەڭبەرىندە عىلىمي-زەرتتەۋ جانە باسپالىق جۇمىستاردىڭ جالعاس­تى­رىلعاندىعى تۋرالى ايتىلدى.    ولاردىڭ قاتارىندا بەيبارىس سۇلتاننىڭ كايردەگى مەشىتى مەن داماسكىدەگى كەسەنەسى بويىنشا عىلىمي زەرتتەۋلەر مەن جاڭعىرتۋ جۇمىستارى جالعاستىرىلعاندىعى كولدەنەڭ تارتىلدى. سونىمەن قاتار وتىرىستا ءال-فارابي اتىنداعى قازۇۋ-ءدىڭ  ء“بى­لىم بەرۋ سالاسىنداعى مەنەدج­مەنت” باعىتى بويىنشا 2010 جىلى رھD باعدارلاماسىمەن ماگيستراتۋرا مەن دوكتورانتۋراعا تالاپكەرلەر قابىل­داي­تىندىعى جوسپارلانىپ وتىرعا­نى اتاپ كورسەتىلدى. سونداي-اق شو­قان ءۋاليحانوۆ ەڭبەكتەرىنىڭ التى تومدىق تولىق جيناعى شىعاتىنى دا بەلگىلى بولدى. جاقسىباي سامرات.