فوتو: Instagram: @zhanabylov_e
قارجىلىق مونيتورينگ اگەنتتىگىنىڭ مالىمدەۋىنشە تەرگەۋ نۇسقاسىنا سايكەس, ەرلى-زايىپتىلار 15 ميلليوننان استام جازىلۋشىسى بار اۋديتورياسىنا سۇيەنىپ ونلاين-كۋرستاردى ساتقان. ءىس جۇزىندە ولار ليتسەنزياسىز لوتەرەيانى بۇركەمەلەگىسى كەلگەن.
«اتالعان كۋرستاردى ساتىپ الۋدىڭ نەگىزگى سەبەبى قىمبات سىيلىقتار ۇتىسىنا قاتىسۋ بولعان. ۆيدەوماتەريالدار وقۋ قۇندىلىعىنا يە بولماعان, ولاردىڭ كوبىسى YouTube سياقتى اشىق دەرەككوزدەردەن الىنعان جانە تەك ليتسەنزياسىز لوتەرەيانى بۇركەمەلەۋ ءۇشىن قولدانىلعان. سىيلىق قورى جەكە قاراجاتتارىنان ەمەس, قاتىسۋشىلاردان ونلاين-كۋرستار ءۇشىن الىنعان اقشادان قۇرالعان. ەلەكتروندىق ساتتىلىك بارابانىنىڭ پارامەترلەرى وزگەرتىلگەن: 5000 تەڭگە كولەمىندەگى ۇتىستىڭ شىعۋ ىقتيمالدىعى جاساندى تۇردە ارتتىرىلىپ, ال قىمبات سىيلىقتارعا شىعۋ مۇمكىندىگى ايتارلىقتاي تومەندەتىلگەن. كۇدىكتىلەر اكتسيانى كوپ ادامعا جەتكىزۋ جانە نازار اۋدارتۋ ءۇشىن ەڭ كوپ رەپوست جاساعان ادامعا 11-ءشى اۆتوكولىك بەرىلەدى دەپ جاريالاعان. الايدا ءىس جۇزىندە جەڭىمپاز انىقتالماعان, سىيلىق تاپسىرىلماعان», دەلىنگەن اگەنتتىك حابارلاماسىندا.
اگەنتتىكتىڭ دەرەگى بويىنشا, قاتىسۋشىلاردان Zhana Business جشس-نە تۇسكەن قاراجاتتىڭ جالپى سوماسى 247,5 ملن تەڭگە, ونىڭ ءبىر بولىگى (60 ملن تەڭگە) دەپوزيتتىك شوتتارعا اۋدارىلعان.
Lamborghini Urus پەن Lexus LX 600 كولىكتەرىن قوسا العاندا, 10 اۆتوكولىككە, سونداي-اق 17 ۇيالى تەلەفونعا تىيىم سالىندى.
قازىرگى ۋاقىتتا كۇدىكتىلەر ۇيقاماقتا وتىر.
