فوتو: اشىق دەرەككوز
رەسمي دەرەكتەرگە سايكەس, 2025 جىلى شەتەلگە 76 ملن توننا مۇناي شىعارىلىپ, ونىڭ جالپى قۇنى 39,88 ملرد دوللاردى قۇرادى. سالىستىرمالى تۇردە 2024 جىلى ەكسپورت كولەمى 71 ملن توننانى قۇراپ, 42,3 ملرد دوللار تابىس تۇسكەن ەدى. وسىلايشا ەكسپورت كولەمى ارتقانىمەن, الەمدىك باعانىڭ قۇبىلۋىنا بايلانىستى جالپى ءتۇسىم ازداپ تومەندەگەن. بۇگىندە مۇناي قازاقستاننىڭ بارلىق ەكسپورتتىق كىرىسىنىڭ 51 %-ىن قۇرايدى.
Energy Monitor ارناسىنىڭ مالىمەتىنشە, ەكسپورتتالعان مۇنايدىڭ ورتاشا باعاسى تونناسىنا 525 دوللار دەڭگەيىندە قالىپتاستى. ەڭ جوعارى باعا باگام ارالدارىنا جونەلتىلگەن مۇنايدا تىركەلىپ, تونناسىنا 575 دوللاردى قۇراسا, ەڭ تومەنگى كورسەتكىش وزبەكستان باعىتى بويىنشا – 369 دوللار بولدى.
ستاتيستيكادا يتاليا وتاندىق مۇنايدىڭ نەگىزگى باعىتتارىنىڭ ءبىرى رەتىندە كورسەتىلگەنىمەن, بۇل ەل كوبىنە العاشقى تىركەۋ نۇكتەسى رەتىندە عانا ەسەپكە الىنادى. تانكەرلەر مۇنايدى يتاليانىڭ تريەست پورتىنا جەتكىزىپ, ودان ءارى TAL مۇناي قۇبىرى ارقىلى اۆستريا, گەرمانيا, چەحيا نارىقتارىنا جونەلتەدى. وسى تۇرعىدان العاندا, قازاقستان مۇنايىنىڭ ەڭ ءىرى تۇتىنۋشىسى – گەرمانيا.
ەكسپورتتىق باعا نەگىزىنەن «Urals Med» نەمەسە «Brent Dtd» بەلگىلەنىمى بويىنشا ەسەپتەلەدى. دەگەنمەن بيۋدجەتكە تولەنەتىن كەدەندىك باجدار مەن سالىقتار كوبىنە ناقتى ساتۋ باعاسىنان جوعارى دەڭگەيدە قالىپتاسادى. سەبەبى ەسەپتەۋ كەزىندە ترەيدەرلەر ۇسىناتىن جەڭىلدىكتەر مەن وتاندىق مۇنايعا بەرىلەتىن ديسكونتتار ەسكەرىلمەيدى.
ابزال نارىمبەتوۆ: مۇناي ەكسپورتتايتىن بالاما باعىتتاردى دامىتپاعانىمىز تاريحي قاتەلىك بولدى
