فوتو: istockphoto.com
اتالعان كوميتەتتىڭ تۇسىندىرۋىنشە, ەندى سالىق بەرەشەگى 20 ايلىق ەسەپتىك كورسەتكىشتەن, ياعني 86,5 مىڭ تەڭگەدەن اسقان جاعدايدا ازاماتتاردىڭ ەسەپشوتتارى بۇعاتتالادى. الدىمەن سالىق تولەۋشىگە رەسمي حابارلاما جولدانادى, سودان كەيىن بانك شوتتارى بويىنشا شىعىس وپەراتسيالارى, كاسسا جانە ينكاسسالىق وكىمدەر ۋاقىتشا توقتاتىلادى.
قايسار ارىننىڭ ايتۋىنشا, قارىز مولشەرى 45 اەك-كە (194,6 مىڭ تەڭگە) دەيىن جەتكەن جاعدايدا شەكتەۋ وسى شارالارمەن عانا شەكتەلەدى. ەگەر بەرەشەك وسى دەڭگەيدەن اسسا, وندا دەبيتورلىق قارىزدى ءوندىرىپ الۋ, م ۇلىكتى تۇگەندەۋ, ونى وتكىزۋ, ءتىپتى سالىق تولەۋشىنى سوت شەشىمىمەن بانكروت دەپ تانۋعا دەيىنگى شارالار قولدانىلادى.
قاسىم-جومارت توقاەۆ: سالىق تولەۋ وتانشىلدىقتىڭ وزىق ۇلگىسىنە اينالادى
سونىمەن قاتار سالىق قارىزىن وتەۋ كەزىندە ءوسىمپۇل مەن ايىپپۇلدى ەسەپتەن شىعارۋ تەتىگى دە قاراستىرىلعان. مەملەكەتتىك كىرىستەر كوميتەتىنىڭ وكىلى ۇكىمەت ميكرو جانە شاعىن بيزنەس سۋبەكتىلەرىنە ارنالعان ارنايى جەڭىلدىكتەر پاكەتىن ازىرلەگەنىن اتاپ ءوتتى.
ق.ارىننىڭ تۇسىندىرۋىنشە, جاڭا سالىق كودەكسىنە بەيىمدەلۋ كەزەڭىن جەڭىل وتكىزۋ ءۇشىن ميكرو جانە شاعىن بيزنەسكە قاتىستى كەشەندى شارالار قابىلداندى. قارجى ءمينيسترىنىڭ بۇيرىعى ازىرلەنىپ, قازىر ادىلەت مينيسترلىگىندە قارالىپ جاتىر. ەگەر ول ماقۇلدانسا, رەسمي تۇردە تىركەلىپ, جاريالانادى. بۇل جەڭىلدىك تەك سالىق قارىزى بار جانە بيۋدجەت جىكتەمەسىنىڭ ءتيىستى كودتارى بويىنشا بەرەشەگى بار ميكرو جانە شاعىن بيزنەسكە قاتىستى.
ميكرو جانە شاعىن بيزنەس سالىقتىق اكىمشىلەندىرۋدى «تازا پاراقتان» باستايدى
قايسار ارىننىڭ ايتۋىنشا, ەگەر سالىق تولەۋشى 1 قاڭتار مەن 31 ناۋرىز ارالىعىندا نەگىزگى قارىزىن وتەسە, سالىق ورگانى ءوسىمپۇل مەن ايىپپۇلدى اۆتوماتتى تۇردە ەسەپتەن شىعارادى. بۇل نورما بانكروتتىق, وڭالتۋ نەمەسە قايتا قۇرىلىمداۋ راسىمىندە تۇرعان كاسىپورىندارعا دا قاتىستى.
«سوت شەشىمىمەن وسى راسىمدەردە تۇرعان سالىق تولەۋشىلەر بەلگىلەنگەن مەرزىمدە مىندەتتەمەلەرىن ورىنداسا, ولاردىڭ دا ءوسىمپۇلدارى مەن ايىپپۇلدارى كەشىرىلەدى. بۇدان بولەك, قوسىلعان قۇن سالىعى بويىنشا تىركەۋگە تۇرماعانى ءۇشىن اكىمشىلىك كودەكستىڭ 275-بابىنىڭ 5-تارماعىندا كوزدەلگەن ايىپپۇلدار دا الىنىپ تاستالادى», دەدى اتالعان كوميتەت وكىلى.
تاعى ءبىر ماڭىزدى وزگەرىس – ءىرى سالىق بەرەشەگى بار تۇلعالارعا قاتىستى شەكتەۋلەر. ەگەر قارىز مولشەرى 27 مىڭ اەك-تەن, ياعني 100 ملن تەڭگەدەن اسسا, كومپانيانىڭ ءبىرىنشى باسشىلارىنا ەلدەن شىعۋعا تىيىم سالىنادى. بۇل نورما 2026 جىلعى 1 شىلدەدەن باستاپ كۇشىنە ەنەدى.
ايتا كەتەيىك, جاڭا سالىق كودەكسىندە سالىق بەرەشەگىن ماجبۇرلەپ ءوندىرىپ الۋ ءۇشىن ەڭ تومەنگى شەك 6 اەك (23 592 تەڭگە) دەڭگەيىندە بەلگىلەنەتىنى دە حابارلانعان. سونىمەن بىرگە بيزنەستەن سالىق قارىزىن ماجبۇرلەپ ءوندىرۋ قاعيدالارىن قايتا قاراۋ جوسپارلانىپ وتىر.
ماماندار بۇل وزگەرىستەردى سالىق ءتارتىبىن كۇشەيتۋمەن قاتار, ادال سالىق تولەۋشىلەرگە قولداۋ كورسەتۋگە باعىتتالعان قادام دەپ باعالاپ وتىر.
