قازاقستاندىق دەلەگاتسيانى پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا باسقاردى. مادەنيەت كۇندەرى اياسىندا بالاەۆا قاتار مەملەكەتىنىڭ مادەنيەت ءمينيسترى شەيح ءابدىراحمان بەن حاماد بەن دجاسيم ءال تانيمەن كەزدەسۋ وتكىزدى. كەزدەسۋ بارىسىندا ەكى ەل مادەنيەت پەن ونەر سالاسىنداعى ىنتىماقتاستىقتى كەڭەيتۋ, بىرلەسكەن جوبالاردى جۇزەگە اسىرۋ پەرسپەكتيۆالارىن تالقىلادى.
جەزقازعاندا مادەنيەت ءۇيىنىڭ جوندەۋ جۇمىستارىنا 300 ملن تەڭگە ءبولىندى
ايدا بالاەۆا ەكى ەلدىڭ حالىقتارىن بىرىكتىرەتىن تاريحي جانە رۋحاني قۇندىلىقتارعا ەرەكشە ءمان بەردى. شەيح ءابدىراحمان دا بىرلەسكەن جوبالاردىڭ ىنتىماقتاستىقتى ودان ءارى نىعايتا تۇسەتىنىنە سەنىم ءبىلدىردى. كەزدەسۋ كەزىندە كرەاتيۆتى يندۋستريالار, بىرلەسكەن كىتاپتار شىعارۋ, اۋدارما جوبالارى, سۋرەتشىلەردى قولداۋ سەكىلدى باعىتتار دا قارالدى.
ءىس-شارا اياسىندا قازاقستان ونەر شەبەرلەرىنىڭ گالا-كونتسەرتى ءوتتى. باعدارلامادا كلاسسيكالىق مۋزىكا, حالىق كۇيلەرى مەن اندەرى, سيمفونيالىق وڭدەۋلەر جانە اراب اندەرى ۇسىنىلدى. سونىمەن قاتار «دارب ال-ساگي» مادەني-تاريحي ورتالىعىندا كورمەلەر مەن ديزاينەرلىك تۋىندىلار كورسەتىلدى. ۇلتتىق داستۇرلەر مەن سپورت تۇرلەرى, ونىڭ ىشىندە ءداستۇرلى ساداق اتۋ, ساياتشىلىق جانە تازى يتپەن اڭ اۋلاۋ دا تانىستىرىلدى.
قازاقستاننىڭ مادەنيەت كۇندەرى ءتورت كۇنگە جوسپارلانىپ, ەكى ەل اراسىنداعى مادەني-گۋمانيتارلىق ىنتىماقتاستىقتى نىعايتۋعا جانە قازاقستان مادەنيەتىن حالىقارالىق دەڭگەيدە تانىستىرۋعا باعىتتالعان. الداعى ۋاقىتتا قاتار مادەنيەت كۇندەرى قازاقستاندا وتەدى.
ەكى جىلدىڭ ىشىندە ەلىمىزدەگى 100-دەن استام مادەنيەت وشاعى جوندەلەدى
