الەم • 10 قاراشا, 2021

پولشا-بەلارۋس شەكاراسىنداعى كولىكتەر كەزەگى 25 شاقىرىمعا سوزىلدى

170 رەت

كورسەتىلدى

1 مين

وقۋ ءۇشىن

كۋزنيتساداعى وتكىزۋ پۋنكتى جابىلعاننان كەيىن پولشا-بەلارۋس شەكاراسىندا جۇك كولىكتەرىنىڭ ۇلكەن كەزەگى پايدا بولدى. بۇل تۋرالى پولشا شەكارا كۇزەتى پودلياسك كومەنداتۋراسىنىڭ ءباسپاسوز حاتشىسى كاتاجينا زدانوۆيچ مالىمدەدى, دەپ حابارلايدى Egemen.kz.

گاۋھار قاپاش

پولشا-بەلارۋس شەكاراسىنداعى كولىكتەر كەزەگى 25 شاقىرىمعا سوزىلدى

بۇعان دەيىن پولياك شەكاراشىلارى ۆارشاۆا 9 قاراشادان باستاپ ميگرانتتارعا بايلانىستى بەلارۋسپەن شەكاراداعى وتكىزۋ پۋنكتىن جاباتىنىن حابارلادى. بارلىق جۇك كولىگى باسقا وتكىزۋ پۋنكتتەرىنە جىبەرىلەتىنى ايتىلدى.

«مەنىڭ اقپاراتىم بويىنشا, بوبروۆنيكتەگى شەكارا وتكەلىندە كۇتۋ ۋاقىتى 39 ساعات بولادى», دەدى زدانوۆيچ.

ونىڭ ايتۋىنشا, قازىر كەزەك شامامەن 25 شاقىرىمعا سوزىلعان.

بۇعان دەيىن پولشا ۇلتتىق اسسامبلەياسىنىڭ تومەنگى پالاتاسى زاڭسىز كوشى-قوننان ساقتانۋ ءۇشىن بەلارۋسپەن شەكارادا قورشاۋ سالۋ تۋرالى شەشىم شىعارعانى حابارلانعان. پولشانىڭ ىشكى ىستەر جانە اكىمشىلىك ءمينيسترى ماريۋش كامينسكي بەلارۋسپەن شەكاراداعى قوزعالىستى باقىلاۋ, انىقتاۋ جۇيەسىمەن جابدىقتالعان قورشاۋ سالىنعانىن مالىمدەدى. سونداي-اق, پولشا قورعانىس مينيسترلىگى بوسقىندار لاگەرىنە بەلارۋس قاۋىپسىزدىك كۇشتەرى جاقىنداپ كەلە جاتقانىن مالىمدەدى. پولشا ىشكى ىستەر مينيسترلىگىنىڭ مالىمەتىنشە, شەكارادا 12 مىڭ اسكەري, 4 مىڭ شەكاراشى, 1,5 مىڭ پوليتسيا قىزمەتكەرى جانە تەرروريزمگە قارسى بولىمشەنىڭ 250 قىزمەتكەرى ورنالاستىرىلعان. پولياك تاراپى شەكارادا ەستىلگەن اتىس كورشى جاقتا ەكەنىن ايتقان ەدى.