ۆەدومستۆونىڭ مالىمدەۋىنشە, ادەيى جانە جالعان بانكروتتىق - قارىزداردان قۇتىلۋدىڭ ەڭ ءجيى قولدانىلاتىن ءتاسىلى.
«كوبىنەسە زاڭسىز بانكروتتىق بىلاي جاسالادى, كومپانيا بانكتەن ۇلكەن كولەمدە نەسيە الادى, سودان كەيىن كەپىلمەن قامتاماسىز ەتىلمەگەن قۇندى اكتيۆتەردى شىعارىپ الادى دا, ەسەپشوتتار ءۇشىن تولەم جۇرگىزۋدى توقتاتادى جانە سايكەسىنشە بيۋدجەتكە تولەم جاسالمايدى. وسىدان كەيىن ول بانكروتتىق ءراسىمىن باستايدى», دەلىنگەن حابارلامادا.
اگەنتتىكتىڭ قاراعاندى وبلىسى بويىنشا اۋماقتىق دەپارتامەنتى «ارت تەكستيل» جشس-نىڭ ادەيى بانكروتتىق جاساۋىنا قاتىستى فاكت بويىنشا قىلمىستىق ءىستى تەرگەدى. «تەرگەۋ بارىسىندا كاسىپورىننىڭ قۇرىلتايشىسى مەن باسشىسى ي.فەلكەر مەن ر. كۋران كاسىپورىن بانكروت دەپ تانىلعانعا دەيىن 3 جىل ىشىندە م ۇلىككە - جەر ۋچاسكەسىن, عيماراتتى, اۆتوكولىكتى يەلەنۋ قۇقىعىن جالعان تۇلعالارعا زاڭسىز بەرگەنى انىقتالدى. وسىلايشا, ولار جالپى سوماسى 86 ميلليوننان استام تەڭگەگە سالىق تولەۋدەن جالتارۋعا تىرىسقان», دەلىنگەن حابارلامادا.
«ارت تەكستيل» جشس مۇلكىن بەرۋ جانە ساتۋ تۋرالى شارتتار جارامسىز دەپ تانىلدى, بارلىق م ۇلىك قايتارىلدى. ي. فەلكەر مەن ر. كۋران 1,5 جىلعا باس بوستاندىعىن شەكتەۋ جازاسىنا تارتىلدى.
