وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتىنەن ءمالىم ەتكەندەي, جارىلىس بۇگىن, 10 قاراشادا تۇنگى ساعات 1:24-تە بولعان.
«اتىراۋ قالاسىنىڭ بالاۋسا شاعىن اۋدانىنداعى №24 كوشەدە ورنالاسقان جەكە تۇرعىن ۇيدە تابيعي گازبەن جىلىتۋ قازاندىعىندا گاز-اۋا قوسپاسىنىڭ جارىلىسى بولدى. جارىلىستىڭ سالدارىنان جالپى كولەمى 120 شارشى مەتر بولاتىن تۇرعىن ءۇي وتقا وراندى. تۇرعىن ءۇيدىڭ توبە جابىندىسى مەن بولمەلەرى تولىقتاي ورتەنىپ كەتتى. ءورت ساعات 2:15-تە وقشاۋلانىپ, ساعات 2:40-تا ءوشىرىلدى», دەپ حابارلادى دەپارتامەنتتىڭ ءباسپاسوز قىزمەتى.
جالىننىڭ سالدارىنان 19 جاستاعى ەكى جىگى پەن 22 جاستاعى بويجەتكەن زارداپ شەگىپ, وبلىستىق اۋرۋحاناعا جاتقىزىلدى.
ءورتتى سوندىرۋگە دەپارتامەنتتىڭ قۇتقارۋ قىزمەتىنەن 16 قىزمەتكەر مەن 6 تەحنيكا, جەدەل جاردەم بريگاداسى 9 ادام مەن 3 تەحنيكا, وبلىستىق پوليتسيا دەپارتامەنتىنەن 8 ادام جانە 3 تەحنيكا جۇمىلدىرىلدى.
