– وسى جىلدىڭ كورسەتكىشى قۇرىلىستىڭ الدىڭعى قارقىنىنان 118%-عا ارتىق. 2021 جىلى قۇرىلىسشىلار بۇل ساندى ۇلعايتىپ, 560 مىڭ شارشى مەتر تۇرعىن ءۇيدى پايدالانۋعا بەرۋدى جوسپارلاپ وتىر. اۋداندارداعى, قالالارداعى تۇرعىن ءۇي ماسەلەسى ء«بىر قاباتتى شىعىس» باعدارلاماسى بويىنشا وڭ شەشىمىن تاۋىپ جاتىر. جوبا مەملەكەتتىڭ ينجەنەرلىك كوممۋنيكاتسيالار جۇرگىزۋى ەسەبىنەن جەكە تۇرعىن ۇيلەر قۇرىلىسىن ىنتالاندىرۋعا ارنالعان. بيۋدجەت ەسەبىنەن 29 ملرد تەڭگە قاراجات ءبولۋ جانە جەكە ينۆەستيتسيالاردى, ونىڭ ىشىندە حالىقتىڭ شوتتارىنداعى 455 ملرد تەڭگە, جتق-داعى 150 ملرد تەڭگە دەپوزيتتىك جيناقتاردى پايدالانۋعا مۇمكىندىك بەرەدى. وسىلايشا, مەملەكەتتىك ينۆەستيتسيالاردىڭ 1 تەڭگەسىنە 5 تەڭگەگە جۋىق جەكە كاپيتال سالىنباق, – دەيدى وبلىس اكىمى دانيال احمەتوۆ.
تارقاتىپ ايتساق, 2020 جىلى وبلىستا جەكە ينۆەستورلار ەسەبىنەن اۋدانى 36,6 مىڭ شارشى مەتردى قۇرايتىن ءبىر قاباتتى 206 ءۇي, 382 پاتەر پايدالانۋعا بەرىلدى. ايتا كەتەرلىگى, پاتەر كىلتتەرى كوپبالالى وتباسىلارعا, الەۋمەتتىك وسال توپتاعى ازاماتتارعا, بيۋدجەت قىزمەتكەرلەرىنە تابىستالدى. اۋدان باسشىلىقتارى دا ء«بىر قاباتتى شىعىس» جوباسىمەن سالىنىپ جاتقان ءار ءۇيدىڭ ساپاسىنا ءجىتى كوڭىل ءبولىپ وتىر.
ايتا كەتەرلىگى, بۇل وڭىرلىك جوبا بۇرىنعى اۋدان ورتالىقتارىندا دا جۇزەگە اسىپ جاتىر. بىلتىر بۇرىنعى اۋدان ورتالىقتارىندا 32 ءۇي, 58 پاتەر پايدالانۋعا بەرىلگەن. 2020 جىلى جالپى ء«بىر قاباتتى شىعىس» باعدارلاماسى بويىنشا 2 مىڭنان استام تۇرعىن جاڭا ۇيمەن قامتاماسىز ەتىلدى. بيىل جەكە ينۆەستورلار ەسەبىنەن 1 215 پاتەرلى, 712 ءبىر قاباتتى ءۇيدىڭ قۇرىلىسى ءجۇرىپ جاتىر. ونىڭ 225 پاتەرى «وتباسى بانكى» اق ارقىلى كەزەكتە تۇرعان ازاماتتارعا ساتۋعا ارنالعان.
اتالعان جوبانى ىسكە اسىرۋ ءۇشىن وبلىستا 21 تۇرعىن الابىنىڭ جوسپارى بار. ونىڭ 13 تۇرعىن الابىندا ينجەنەرلىك-كوممۋنيكاتسيالىق ينفراقۇرىلىم تارتۋ جۇمىستارى جۇرگىزىلۋدە. ينجەنەرلىك جەلىلەرمەن جانە ولاردىڭ قۇرىلىسىنا قاجەت قاراجاتپەن قامتاماسىز ەتىلۋىنە بايلانىستى, تۇرعىن الاپتارى 3 كەزەڭگە بولىنگەن. وعان 29 ملرد تەڭگە بيۋدجەت قاراجاتىن باعىتتاۋ جوسپارلانعان.
– ء«بىر قاباتتى شىعىس» باعدارلاماسىمەن باسپاناعا قول جەتكىزدىك. كىلتى ەلوردا كۇنىنە وراي تابىستالدى. ءۇيدىڭ ساپاسى جاقسى, جايلى. باستى ماسەلە – باسپانا بولعاندىقتان, ءۇيلى بولىپ جاتقان وتباسىلاردىڭ ءبارى ريزا دەپ ويلايمىن. حالىقتىڭ ءال-اۋقاتىن ارتتىرۋعا باعىتتالعان باعدارلامالار كوپ بولسا ەكەن, – دەيدى جارما اۋدانى, قالباتاۋ اۋىلىنىڭ تۇرعىنى, كوپبالالى انا لاۋرا رايسوۆا.
جارما اۋدانىندا 2019 جىلى جالپى سوماسى 99 ملن تەڭگەگە ەكى پاتەرلى 5 تۇرعىن ءۇي, ياعني 10 پاتەر ساتىپ الىندى. اتالعان پاتەرلەر جارما اۋدانىنىڭ كوممۋنالدىق تۇرعىن ءۇي قورىنان جالعا بەرىلەتىن تۇرعىن ءۇي كەزەگىندە تۇرعان ازاماتتارعا, اتاپ ايتقاندا كوپبالالى انالار مەن مۇمكىندىگى شەكتەۋلى تۇلعالارعا كەزەكپەن بەرىلدى. ال 2020 جىلى جارما اۋدانىندا ء«بىر قاباتتى شىعىس» وڭىرلىك جوباسى اياسىندا از قامتىلعان كوپبالالى وتباسىلارعا كوممۋنالدىق تۇرعىن ءۇي قورىنان 24 ەكى پاتەرلى تۇرعىن ءۇي ساتىپ الۋعا وبلىستىق بيۋدجەتتەن 540,4 ملن تەڭگە ءبولىندى. ونىڭ ىشىندە قالباتاۋ اۋىلىندا ەكى پاتەرلى 19 تۇرعىن ءۇي (38 پاتەر) حالىق يگىلىگىنە تاپسىرىلسا, شار ەلدى مەكەنىندە ەكى پاتەرلى 5 تۇرعىن ءۇي (10 پاتەر) ساتىپ الىندى.
2021 جىلى جارما اۋدانى بويىنشا ء«بىر قاباتتى شىعىس» وڭىرلىك جوباسىمەن جەكە ينۆەستورلار ەسەبىنەن كوپبالالى از قامتىلعان وتباسىلار مەن حالىقتىڭ باسقا دا الەۋمەتتىك وسال توپتارى ءۇشىن جالپى اۋدانى 2 510 شارشى مەتر بولاتىن ەكى پاتەرلى 15 تۇرعىن ءۇيدىڭ (30 پاتەر) قۇرىلىسى جۇرگىزىلدى. قالباتاۋ اۋىلىندا – 9 ءۇي (18 پاتەر), شار قالاسىندا – 6 ءۇي (12 پاتەر) بوي كوتەرگەن. بۇل تۇرعىن ۇيلەردىڭ جالپى قۇنى 357 ملن تەڭگەنى قۇراعان.
2022 جىلى جارما اۋدانى بويىنشا جەكە ينۆەستورلار ەسەبىنەن ەكى پاتەرلى 13 تۇرعىن ءۇي (26 پاتەر) سالۋ جوسپارلانىپ وتىر. ونىڭ ىشىندە 20 پاتەر – 85 شارشى مەتر, 6 پاتەر – 65 شارشى مەترگە جوبالانعان. بۇگىنگى تاڭدا جوعارىدا اتالعان ۇيلەردىڭ قۇرىلىسى بويىنشا ءتيىستى كەلىسىمشارتتار جاسالىپ, 13 ەكى پاتەرلى تۇرعىن ءۇيدىڭ قۇرىلىسى باستالىپ كەتكەن. الدىن الا جوسپارلانعانداي, ەكى پاتەرلى 3 تۇرعىن ءۇي حالىقتىڭ الەۋمەتتىك وسال توپتارىنا جاتاتىن تولىق ەمەس وتباسىلارعا, مۇگەدەك بالانى جانە جەتىم بالالاردى تاربيەلەپ وتىرعان 1-2 توپتاعى مۇگەدەكتەرگە بەرىلەدى. ال ەكى پاتەرلى 10 تۇرعىن ءۇي كوپبالالى وتباسىلارعا جانە كەزەكتە تۇرعان ازاماتتاردىڭ باسقا دا ساناتتارىنا ارنالىپ سالىنىپ جاتىر. سونىمەن قاتار شار كەنتىندە ەكى پاتەرلى 6 تۇرعىن ءۇيدىڭ قۇرىلىسى ءجۇرىپ جاتىر.
2021 جىلى ءۇرجار اۋدانىندا جەرگىلىكتى جەكە ينۆەستورلار ەسەبىنەن ء«بىر قاباتتى شىعىس» باعدارلاماسى اياسىندا ەكى پاتەرلى 43 بىرىڭعاي ۇلگىدەگى تۇرعىن ءۇيدىڭ قۇرىلىسى جۇرگىزىلدى. بوي كوتەرگەن 22 ءۇي ءۇرجار اۋىلىندا, 15 ءۇي ماقانشىدا, 6 ءۇي تاسكەسكەن اۋىلىندا سالىندى. قۇرىلىسقا جەر تەلىمدەرىن جەرگىلىكتى اتقارۋشى ورگان بولگەن. حالىقتى باسپانامەن قامتۋ ماقساتىندا جۇزەگە اسىرىلىپ جاتقان بۇل جۇمىس كەلەسى جىلى دا جالعاسىن تابادى. حالىقتىڭ الەۋمەتتىك وسال توپتارى مەن مەملەكەتتىك قىزمەتكەرلەر ءۇشىن جەكە ينۆەستورلار ەسەبىنەن قارجىلاندىرۋ ماسەلەسى شەشىلسە, 10 ءۇي ءۇرجار اۋىلىندا, 3 ءۇي ماقانشى, 2 ءۇي تاسكەسكەن اۋىلىندا سالىنادى.
جوعارىدا ايتىپ وتكەندەي, اتالعان باعدارلاما وبلىستىڭ بارلىق اۋدانىندا جۇزەگە اسىپ جاتىر. بۇل, بىرىنشىدەن, باسپاناعا كەزەكتە تۇرعان وتباسىلارعا بەرىلەدى. ماسەلەن, كۇرشىم اۋدانىندا مەملەكەتتىك تۇرعىن ءۇي قورىنان باسپانا الۋعا كوپبالالى – 65, الەۋمەتتىك وسال توپ ساناتىنان 129 ازامات كەزەكتە تۇر. كۇرشىمدە 2020 جىلى «جۇمىسپەن قامتۋدىڭ جول كارتاسى» باعدارلاماسى شەڭبەرىندە ەكى پاتەرلى 10 تۇرعىن ءۇيدىڭ قۇرىلىسى باستالعان. كۇرشىم اۋدانىندا 1990 جىلداردان كەيىن تۇرعىن ءۇي قۇرىلىسى جۇرگىزىلمەگەن ەكەن. بىلتىر العاش رەت «سK-KazAlem» جشس تۇرعىن ءۇي قۇرىلىسىن باستادى. سونداي-اق بيىل كۇرشىم اۋىلىندا جەكە قۇرىلىس سالۋشىلاردىڭ قاراجاتى ەسەبىنەن ەكى پاتەرلى 9 تۇرعىن ءۇيدىڭ ىرگەسى قالاندى. كۇرشىم اۋدانىنداعى 2020-2025 جىلدارعا ارنالعان تۇرعىن ءۇي قۇرىلىسى سالاسىنداعى مەملەكەتتىك باعدارلامالاردىڭ جۇزەگە اسىرىلۋى كورسەتكىشتەرىنە توقتالار بولساق, 2021 جىلى تۇرعىن ءۇيدى پايدالانۋعا بەرۋ جوسپارى 5 960 شارشى مەتردى قۇرادى. ونىڭ ىشىندە جەكە كاسىپكەرلەر ەسەبىنەن تۇرعىن ۇيلەردى بەرۋ جوسپارى – 2 160 شارشى مەتر. شەكارا شەبىندەگى مارقاكول اۋىلىندا 2 پاتەرلى 5 ءۇي (10 پاتەر), كۇرشىم اۋىلىندا 2 پاتەرلى 3 ءۇي (6 پاتەر), اقسۋات اۋىلىندا 2 پاتەرلى 2 ءۇيدىڭ (4 پاتەر) قۇرىلىسى ءجۇرىپ جاتىر. تاۋەلسىزدىكتىڭ 30 جىلدىعىنا وراي جۋىقتا اقسۋات اۋىلىندا سالىنعان ۇيلەردىڭ كىلتى كوپبالالى ءتورت وتباسىنا بەرىلدى.
سونداي-اق ء«بىر قاباتتى شىعىس» وڭىرلىك باعدارلاماسىمەن بەسقاراعاي اۋدانىندا كوپبالالى وتباسىلارعا, الەۋمەتتىك وسال توپتاعى تۇرعىندار مەن مەديتسينا قىزمەتكەرلەرىنە, باسپانالارى اپاتتىق جاعدايدا تۇرعان ازاماتتارعا جاڭا 24 ءۇي بەرىلدى. باقىتتىڭ كىلتىندەي بولعان باسپانانىڭ كىلتى ۇلەستىرىلگەندە, تۇرعىنداردىڭ قۋانىشىندا شەك بولمادى. بەسقاراعاي اۋدانىندا بىلتىر دا جاڭا 36 ءۇيدىڭ كىلتى كوپبالالى وتباسىلارعا, حالىقتىڭ الەۋمەتتىك وسال توپتارىنا جانە جەتىم بالالارعا بەرىلگەن بولاتىن.
جاسىل جەلەككە ورانعان بەسقاراعاي, كورىكتى كول جاعاسىنداعى زايسان, ءور التايدىڭ قوس ەتەگىن كەمەرلەي قونىستانعان كاتونقاراعاي مەن كۇرشىم, كيەلى تارباعاتاي سىندى اۋدانداردا قاز-قاتار بوي كوتەرگەن ساۋلەتتى ۇيلەر الىستان كوز تارتادى. كورىكتى ەلدى مەكەندەردىڭ كوركىن ودان سايىن اشا ءتۇستى. ەڭ باستىسى, حالىق باسپاناعا قول جەتكىزىپ جاتىر.
شىعىس قازاقستان وبلىسى
