ايماقتار • 10 قاراشا، 2021

كىتاپحانا جۇمىسىن جەتىلدىرۋ كەرەك

448 رەت كورسەتىلدى

س.تورايعىروۆ اتىنداعى وبلىستىق كىتاپحانادا «كىتاپحانا - ءوڭىردىڭ مادەني سالاسىن جاڭعىرتۋ جولىندا» اتتى حالىق­ارا­لىق فورۋم ءوتتى. جيىنعا ماسكەۋ، ءنوۆوسىبىر، بارناۋل، موڭ­عو­ليانىڭ بايان-ولگەي ايماعىنىڭ جانە جەرگىلىكتى ءوڭىر­دىڭ كىتاپحاناشىلارى قاتىستى. ونلاين فورماتىندا وتكەن جيىن تاۋەلسىزدىكتىڭ 30 جىلدىعىنا، وبلىستىق كىتاپحانانىڭ 125 جىلدىعىنا ارنالدى.

ال كىتاپحانا ديرەكتورى شول­­پان شاحمەتوۆانىڭ ايتۋىن­شا، حالىقارالىق ماڭىزداعى رۋ­حاني شارا وتكىزۋدەگى ماقسات – ەلى­مىز­دەگى كىتاپحانا سالاسىنا دە­گەن جا­ڭاشا كوزقاراسقا ساي وڭىر­دەگى كىتاپحانا قىزمەتىن زامان وزگە­رىسىنە بەيىمدەۋ. ياعني جاڭاشا بەيىمدەلۋ بارىسىن، اۋىل-قالا كىتاپحانالارىنداعى وزگەرىس­تەر­دى باسقا دا ارىپتەستەرىمىزبەن ءبو­لىسىپ، وزگە ەلدەردىڭ ۇلگىلى ۇردىس­تەرىن ۇيرە­نىپ، تاجىريبە الماسۋ.

ويتكەنى كىتاپحاناشىلاردى دا تولعاندىرعان ماسەلەلەردى ور­تاعا سالۋ، بىرلەسىپ تالقىلاۋ قا­جەت-اق. بۇگىندە كىتاپحانالار جۇ­مىسىن جاڭعىرتۋ، بىرىڭعاي كىتاپحانا قاۋىمداستىعىنا بىرى­گۋ، ەلەكتروندى كىتاپحانا قورىن تولىقتىرۋ ماقساتىندا تسيفرلاندىرۋدى ەنگىزۋگە بايلانىستى ما­سەلەلەر جەتكىلىكتى.

سونىمەن قاتار قازىر كىتاپحا­ناشى ماماندىعىنىڭ ۋاقى­تى كەتىپ قالعانداي، مىسالى، كى­تاپحاناشىلاردىڭ ورتا جاسى 40-50-دەن اسقان. جاستاردى كى­تاپحاناعا تارتۋ قاجەتتىلگى دە بار.

بۇگىندە ەلىمىزدە «مادەنيەت تۋرالى» زاڭعا وزگەرىستەر مەن تولىق­تىرۋلار ەنگىزىلىپ، كى­تاپحانا ءىسىنىڭ ارنايى تۇجى­رىم­داماسى دا ازىرلەندى. وسى قۇ­جاتتا كىتاپحاناعا قاتىستى بار­لىق ما­سەلە قامتىلعان. سالا قالاي دا­ميدى، ستراتەگياسى، ماڭىزى مەن مىندەتتەرى وسى قۇجاتقا ەنگى­زىل­گەن.

– زاماناۋي كىتاپحا­نا­لار­دىڭ تالاپتارى زامان اعى­­مىنا قا­راي وزگەرىپ كە­لە­دى، سون­­دىقتان دا كىتاپحانا كى­تاپ قورى رەتىندە عا­نا ەمەس، الەۋ­­مەتتىك سيپاتى با­سىم رۋحا­ني ورتالىق رەتىندە قىز­مەت كور­سە­تۋى قاجەت. قازىر وبلىس­تىق كىتاپحا­نادا Web-رابيس باع­دارلا­ما­سى­نىڭ 5 ءمودۋلى دە، ياعني «كى­­تاپ قورىن تولىقتىرۋ»، «كاتا­­لوگيزاتور»، «ىزدەۋ جانە تاپ­سى­­رىس بەرۋ»، «كىتاپ بەرۋ» جا­نە «وقىرمانداردى تىركەۋ» جۇ­يەلەرى كوپشىلىككە قىزمەت كور­سەتۋدە. ولكەتانۋ جايىنداعى ادە­­بيەتتەردى ساندىق جۇيەگە كەل­تى­رىپ، سيرەك جانە باعالى كىتاپ­تار­دىڭ ەلەكتروندى كوللەك­تسيا­­لارى دايىندالدى، – دەيدى كىتاپحانا ديرەكتورى.

سونىمەن بىرگە ينتەرنەت جۇ­يە­سىن پايدالانىپ، بەينە­كون­فە­رەنتسيالار، ونلاين رەجى­مىندە ۆەبينارلار وتكىزۋ داس­تۇرگە اينالۋدا. رەسپۋبليكا جانە ەلدەن تىس جەردە وتەتىن شارالارعا قا­شىقتان قاتىسۋ ارقىلى وقىر­مان­دارعا كەرەكتى اقپاراتتار الى­نۋدا.

ال ل.تولستوي اتىنداعى قوس­تاناي وبلىستىق كىتاپحاناسى­نىڭ عىلىمي حاتشىسى شولپان ساندىباەۆانىڭ ايۋىنشا، نە­گىز­گى ماقسات – تاجىريبە الماسۋ. قازىرگى تاڭدا كىتاپحانالارعا جۇك­تەلگەن جۇمىس وتە اۋقىمدى. كىتاپحانا جۇمىسىن زاماناۋي تۇرعىدا جان-جاقتى جەتىل­دىرۋ، كىتاپحاناشىلاردىڭ بىلىك­تىلىگىن ارتتىرۋ – زامان تالا­بى. سوندىقتان تسيفرلاندىرۋ قو­عامىندا ءومىر ءسۇرىپ وتىر­عان­دىق­­تان، كىتاپحانالار قاۋىم­داس­تىعىنىڭ بىرىگىپ جۇمىس ىستەۋى ماڭىزدى. ءاربىر ءوڭىر وزىندىك ەرەك­شەلىكتەرىن، قۇندىلىقتارىن ساندىق نۇسقاعا اۋدارۋى كەرەك، ۇلى ەسىمدەردى انىقتاۋدا ساندىق جۇيەنىڭ ارتىقشىلىقتارىن پايدالانۋىمىز قاجەت.

جيىندا كىتاپحانا قىزمە­تىن جەتىلدىرۋدە زاماناۋي تەحنو­لو­گيالاردىڭ الەۋەتى، كاسىبي سكا­نەرلەردىڭ جەتكىلىكتى بولۋى، ۇيالى تەلەفوندار ارقىلى كىتاپحانا قىزمەتىن پايدالانۋ تەتىكتەرىن جە­تىلدىرۋدىڭ، ياعني ونلاين كى­تاپحا­نالاردى دامىتۋ جايلا­رى اي­تىلدى. اسىرەسە، بالالار­عا قا­­جەتتى كىتاپتاردىڭ جەتكىلىك­تى بو­لۋى، اۋدارما كىتاپتاردىڭ اۋىل، قالاعا جەتۋى، ساپالى بولۋى قاجەت.

ماسكەۋدەگى ەۋرازيا كىتاپحا­نالار قاۋىمداستىعىنىڭ باس ديرەك­تورى م.نەريۋەۆا، موڭ­عوليا ەلىنەن اقتان ءبابي ۇلى اتىن­داعى بايان-ولگەي ورتالىق كىتاپحاناسىنىڭ ديرەكتورى ال­تىنگۇل دالەلقىزى، نۇر-سۇل­تان قالاسىنداعى ۇلتتىق اكادە­ميالىق كىتاپحانانىڭ باس ديرەكتورى ءۇ.مۇڭالباەۆا، الماتى­داعى ۇلتتىق كىتاپحانا باس دي­رەك­تو­رى ب.وسپانوۆا، وبلىستىق مادە­نيەت، تىلدەردى دامىتۋ جانە ارحيۆ ءىسى باسقارماسىنىڭ باس­شى­سى سامال بەگالينوۆا، ءنوۆو­سىبىر، ومبى، بارناۋل قالالارىن­داعى ورتالىق كىتاپحانا باسشى­لارى ءسوز سويلەپ، ەكى ەلگە ورتاق ­جال­­پى كىتاپحانا قىزمەتىندەگى ماسە­لە­لەر­گە توقتالدى.

قازىر وبلىس بويىنشا 231 كى­تاپحانا بولسا، ونىڭ 201-ءى اۋىل­داردا. ورتالىق كىتاپحانانىڭ 23 مىڭنان استام وقىرمانى بار. كىتاپحانا قىزمەتىن جاڭا زامانعا ساي جاڭارتۋ جولىنا ءتۇسىرۋدى اۋىلداردان باستاۋ قاجەتتىگى دە تۇسىنىكتى.

جەرگىلىكتى تۇرعىندارعا كى­تاپحانا قىزمەتى تولىق قول­جەتىمدى، ءتيىمدى بولۋ بارىسىندا «كىتاپحاناتەراپيا» جوبا­سى ىسكە استى. بۇل جوبانىڭ نە­گىز­گى ماقساتى – كىتاپتى ءار وقىر­مانعا جەتكىزۋ. قىزمەتتىڭ قول­جەتىمدىلىگى ارتادى، سۇرانىس­تار­دى ۋاقىتىندا جانە جەدەل ورىنداۋ مۇمكىندىگى تۋادى، اقپا­راتتىلىعى جانە مازمۇنىنىڭ تەرەڭدىگى ارتادى دەگەن سەنىم بار.

جاستارعا ارنالعان ZhaStar جوباسى شەڭبەرىندە كىتاپحانا بارلىق توپتاعى جاستى بىرىك­تىرىپ، ولاردىڭ ءار سالاداعى، ونەر­دەگى، عىلىم جانە بيزنەستەگى جە­تىس­تىكتەرىن كورسەتۋدە. قا­زىر­گى كى­تاپحانالار تۇبەگەيلى وزگە­رىس­تەرگە بەيىمدەلۋدە. اقپا­رات­­تىق زا­مان كىتاپحاناعا دا جا­ڭا مىن­دەتتەر مەن ماقساتتار جۇك­تەۋدە.

– س.تورايعىروۆ اتىنداعى وب­لىستىق كىتاپحانا ۇلكەن ما­ڭىزعا يە تاريحي ورىن. ءبىز ءار وڭىردەگى كىتاپحانالاردىڭ جۇ­مىس ساپاسىن ارتتىرۋ ارقىلى ما­دەنيەت­تى، تاربيەلى، ءبىلىمدى ازا­­ماتتار تار­بيەلەۋگە ءۇن قو­سا­­مىز. شولپان بايانقىزى باس­قارىپ وتىرعان وب­لىستىڭ باس كى­تاپحاناسى جاق­سى قىزمەت ىستەۋ­دە، – دەدى ۇلتتىق اكا­­دەميالىق كىتاپحا­نانىڭ باس ديرەكتورى ءۇمىت­حان مۇڭالباەۆا.

حالىقارالىق فورۋم بارىسىندا قاتىسۋشىلار شەبەرلىك ساعاتتارىنا، ترەنينگتەرگە، ادەبي كەزدەسۋلەرگە، ءارتۇرلى باعىتتا ۇيىم­داستىرىلاتىن سەكتسيالارعا قاتىسۋعا مۇمكىندىك الدى.

 

پاۆلودار وبلىسى

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

الداعى كۇندەرى كۇن سۋىتادى

اۋا رايى • بۇگىن، 11:55

ۇقساس جاڭالىقتار