ايماقتار • 10 قاراشا، 2021

شىمىر پوليتسەي

220 رەت كورسەتىلدى

ءوڭىر پوليتسەيلەرىنىڭ قاتارىندا سپورتتى جانىنا سەرىك ەتكەندەر از ەمەس. سونىڭ ءبىرى – پوليتسيا پودپولكوۆنيگى ايبەك تىلەشەۆ.

اتىراۋ قالالىق پوليتسيا باسقارماسىنداعى تەرگەۋ ءبولى­مىن باسقاراتىن ول جاقىندا تۇركيانىڭ بەلەك قالاسىندا وتكەن Ironman 70.3 Turkey تريات­لون جارىسىنا قاتىستى. ءجۇزۋ، جۇگىرۋ جانە ۆەلوسپورت تۇر­لەرى بىرىكتىرىلگەن ترياتلوندا اتىراۋلىق پوليتسەي 113 شا­قى­رىمدىق قاشىقتىقتى 5 ساعات 32 مينۋتتا باعىندىردى.

– قازىر تانىمال بولعان Ironman 70.3 Turkey – دۇنيە­جۇ­زىلىك ترياتلون كورپوراتسياسى وتكىزەتىن ۇزاق قاشىق­تىق­­تاعى حالىقارالىق سايىس. ترياتلون جارىستارىنىڭ سەرياسى اسىرەسە، جاستار اراسىندا قىزىعۋشىلىق تۋدى­رىپ وتىر. بۇل سايىستىڭ ەرەكشەلىگى، ءاربىر جەكە جارىس ءۇزىلىسسىز تارتىپپەن وتكىزىلەتىن ءۇش كەزەڭنەن تۇرادى. بۇل – 1،9 شاقىرىمعا ءجۇزۋ، 90 شاقىرىمدىق تاس جول بويىمەن ۆەلوسيپەدپەن ءجۇرۋ، سون­داي-اق 21،1 شاقىرىمدى جارتى­لاي مارافوندىق ادىسپەن جۇگىرۋ. مەن بۇل جارىسقا اتى­راۋ قالا­سىن­دا ەكى جىل بۇرىن قۇ­رىلعان Atyrauironteam اۋەس­قوي تريات­لون كلۋبىنىڭ قۇرامى اتى­نان قاتىستىم، – دەيدى ايبەك تىلەشەۆ.

ەندى پوليتسيا پود­پول­كوۆ­نيگى Ironman ترياتلون سە­رياسىنىڭ تو­لىق سايىسى­نا قاتىسۋدى جوس­پارلاپ وتىر. وندا سۋ ايدى­نىن­دا 4 شاقى­رىمعا جۋىق ءجۇزۋ، ۆەلوسيپەدپەن 180 شاقى­رىم­دى ءجۇرىپ ءوتۋ جانە 42 شا­قى­رىم­دىق مارافون قاشىق­تى­عىنا جۇ­گىرۋ قاجەت.

 

اتىراۋ وبلىسى

 

سوڭعى جاڭالىقتار

ۇقساس جاڭالىقتار