نۇر-سۇلتان قالاسى پوليتسيا دەپارتامەنتى تاراپىنان اعىمداعى جىلدىڭ 8-17 قاراشاسى ارالىعىندا جۇرگىزۋشىلەر اراسىندا جول ءجۇرۋ ءتارتىبىن ارتتىرۋ, جول-كولىك وقيعالارىنىڭ سانىن ازايتۋ, سونداي-اق جول قوزعالىسى ەرەجەلەرىن ورەسكەل بۇزۋدىڭ الدىن الۋ ماقساتىندا «قاۋىپسىز جول» جەدەل-الدىن الۋ ءىس-شاراسى وتكىزىلۋدە.
ءبىر تاۋلىك ىشىندە پوليتسيا قىزمەتكەرلەرىمەن 710 جول قوزعالىسى ەرەجەلەرىن بۇزۋ فاكتىسى انىقتالدى, ونىڭ 1-ن قوعامدىق كولىك جۇرگىزۋشىسى جاساعان جانە 53 جۇرگىزۋشى تەحنيكالىق بايقاۋدان وتپەگەن كولىكتى باسقارعان, 25 جۇرگىزۋشى مانەۆر جاساۋ ەرەجەلەرىن بۇزعانى ءۇشىن ۇستالعانى بەلگىلى بولدى. سونىمەن قاتار, 11 جۇرگىزۋشى قارسى جولاققا شىعىپ, 16 جۇرگىزۋشى باعدارشامنىڭ تىيىم سالىنعان بەلگىسىنە وتكەن. ماس كۇيىندە كولىك جۇرگىزگەنى ءۇشىن 16 جۇرگىزۋشى ۇستالىپ, كولىك قۇرالدارىن باسقارۋعا قۇقىعى جوق 6 ازاماتتىڭ كولىك جۇرگىزگەنى انىقتالىپ, ايىپ تۇراعىنا 52 اۆتوكولىك جەتكىزىلدى.
پوليتسيا قىزمەتكەرلەرى ماس كۇيىندە كولىك قۇرالدارىن باسقارۋمەن بايلانىستى بۇزۋشىلىقتاردى انىقتاۋعا جانە جولىن كەسۋگە ەرەكشە نازار اۋدارادى. قابىلدانعان شارالارعا قاراماستان, كەيبىر ازاماتتار ماس كۇيىندە كولىك جۇرگىزۋدى جالعاستىرۋدا, وسىلايشا ءوز ومىرلەرىنە, سونداي-اق جول قوزعالىسىنىڭ باسقا قاتىسۋشىلارىنىڭ ومىرىنە قاۋىپ توندىرۋدە.
