قۇجاتتىڭ تولىق اتاۋى – «قاشىقتان ءبىلىم بەرۋ تەحنولوگيالارى بويىنشا وقۋ پروتسەسىن ۇيىمداستىرۋ قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 20 ناۋرىزداعى № 137 بۇيرىعىنا وزگەرىستەر ەنگىزۋ تۋرالى بۇيرىق.
قۇجات 2021 جىلدىڭ 19 قاراشاسىنان باستاپ قولدانىسقا ەنگىزىلەدى. بۇيرىققا ەنگەن وزگەرىستەر بويىنشا, بۇدان بىلاي ءبىلىم بەرۋ ۇيىمدارى قاشىقتان وقىتۋعا تولىق كوشكەن كەزدە پروتسەسكە قاتىسۋشىلاردىڭ ءبارىن اقپاراتتىق جۇيەمەن, ساباقتاردىڭ ەلەكتروندىق كەستەسىمەن, جۋرنال جانە وقۋ رەسۋرستارىمەن قامتاماسىز ەتۋى كەرەك.
ناقتىراق ايتساق, قاشىقتان وقىتۋدى ۇسىنۋ ءۇشىن ءبىلىم بەرۋ ۇيىمدارى مىنا تالاپتارعا ساي بولۋى كەرەك:
1) وقۋ قىزمەتىن ۇيىمداستىرۋ ءۇشىن ينتەرنەت جەلىسىنە قوسىلۋعا مۇمكىندىك بەرەتىن تەلەكوممۋنيكاتسيالىق ارنالاردىڭ بولۋى;
2) اقپاراتتىق رەسۋرستارعا, تسيفرلىق رەسۋرستارعا جەدەل قول جەتكىزۋ قۇرالدارىنىڭ بولۋى;
3) وقۋ-ادىستەمەلىك, ۇيىمدىق-اكىمشىلىك اقپاراتتى, بەينەساباقتاردى قامتيتىن اقپاراتتىق جۇيەنىڭ بولۋى;
4) «ورتا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ پەداگوگتەرى جۇرگىزۋ ءۇشىن مىندەتتى قۇجاتتاردىڭ تىزبەسى جانە ولاردىڭ نىساندارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2020 جىلعى 6 ساۋىردەگى № 130 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 20317 بولىپ تىركەلگەن) سايكەس ەلەكتروندىق جۋرنالدار مەن كۇندەلىكتەر جۇيەسىنە قوسىلۋ;
5) ءبىلىم بەرۋ ۇيىمدارىنىڭ پەداگوگتەرىندە اقپاراتتىق تەحنولوگيالار بويىنشا كۋرستارىنان وتكەندىگى تۋرالى سەرتيفيكاتتاردىڭ بولۋى;
6) وقۋ پروتسەسىن تسيفرلىق ءبىلىم رەسۋرستارىمەن قامتاماسىز ەتۋ;
7) ءبىلىم بەرۋ ۇيىمدارىندا پايدالانىلاتىن باعدارلامالىق-اپپاراتتىق كەشەنگە جانە قولدانبالى باعدارلامالىق قامتاماسىز ەتۋگە قويىلاتىن ۇسىنىلعان ەڭ از تالاپتاردىڭ ساقتالۋى.
سونداي-اق قۇجاتتا جوعارى جانە جوعارى وقۋ ورنىنان كەيىنگى ءبىلىمنىڭ ءبىلىم بەرۋ قاشىقتان ۇيىمداستىرىلسا, قانداي تالاپتار ساقتالۋى كەرەكتىگى ناقتى كورسەتىلگەن. ول تالاپتاردى مىنا سىلتەمەدەن كورۋگە بولادى.
