بۇل تۋرالى Reuters اگەنتتىگى ءمالىم ەتتى.
روبەرت كوح ينستيتۋتىنىڭ مالىمەتتەرى كورسەتكەندەي, جەتى كۇندىك اۋرۋ - 00 مىڭ ادامعا شاققاندا جۇقتىرعاندار سانى - سوڭعى اپتادا 201,1-گە دەيىن وسكەن, بۇل وتكەن جىلدىڭ جەلتوقسان ايىنداعى 197,6 رەكوردىنان جوعارى.
دارىگەرلەر كوروناۆيرۋسپەن تۇسەتىن ناۋقاستاردى ەمدەپ ۇلگەرۋ ءۇشىن الداعى اپتالاردا جوسپارلانعان وپەراتسيالاردى كەيىنگە قالدىرۋعا تۋرا كەلەتىنىن ەسكەرتتى.
ء«بىز بارلىق توتەنشە جاعدايلاردىڭ اۋىرتپالىعىن باسقا جەردەن ۋاقىت ۇنەمدەسەك قانا جەڭە الامىز, بىراق بۇل ونكولوگياعا نەمەسە حيرۋرگياعا قاتىستى ەمەس», دەدى كريستيان كاراگياننيديس, ينتەنسيۆتى تەراپيا جانە شۇعىل مەديتسينا قاۋىمداستىعىنىڭ (DIVI) عىلىمي ديرەكتورى.
ال جەلتوقسان ايىنىڭ باسىنا قاراي كواليتسيالىق ۇكىمەت قۇرۋ تۋرالى كەلىسسوزدەر جۇرگىزىپ جاتقان نەمىستىڭ ءۇش پارتياسى ەلدەگى توتەنشە جاعداي رەجيمىن ۇزارتپاۋعا كەلىستى.
ونىڭ ورنىنا ولار كەلەسى جىلدىڭ ناۋرىز ايىنا دەيىن قوعامدىق ورىنداردا مىندەتتى تۇردە بەتپەردە كيۋ جانە الەۋمەتتىك قاشىقتىقتى ساقتاۋ سياقتى شارالارعا رۇقسات بەرۋ ءۇشىن قولدانىستاعى زاڭناماعا تۇزەتۋلەر ەنگىزەتىن زاڭ جوباسىن ۇسىندى. زاڭ جوباسى بەيسەنبىدە بۋندەستاگتاعى پارلامەنتتىڭ تومەنگى پالاتاسىنا ۇسىنىلىپ, ءبىر اپتادان كەيىن ارنايى سەسسيادا داۋىسقا سالىنۋى ءتيىس.
باۆاريانىڭ پرەمەر-ءمينيسترى ماركۋس سودەر, ءوز كەزەگىندە, سىرقاتتانۋشىلىقتىڭ جاڭا شىڭىنا بايلانىستى شەشىمدى ارەكەت ەتۋگە شاقىردى. ونىڭ پايىمداۋىنشا, گەرمانيادا كوروناۆيرۋسقا جەدەل تەستتەر قايتادان تەگىن بولۋى كەرەك.
ەسكە سالايىق, گەرمانيادا 11 قازاننان باستاپ تەگىن ەكسپرەسس-تەستتەر تەك ەكپە الۋعا بولمايتىن, اتاپ ايتقاندا, جۇكتى ايەلدەر مەن 18 جاسقا دەيىنگى بالالارعا بەرىلە باستادى.
