«كىم بىلگىش؟» ويىنى قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا ءوتتى.
شاراعا نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى الكەي مارعۇلان ۇلى جانە مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆ قاتىستى.
جوبانىڭ ماقساتى – دارىندى بالالاردى انىقتاۋ, ولاردىڭ تانىمدىق قىزىعۋشىلىقتارىن وياتۋ, وقۋشىلاردىڭ مادەني جانە ءبىلىم دەڭگەيىن كوتەرۋ, سونداي-اق مەكتەپ وقۋشىلارى اراسىندا بوس ۋاقىتتى ءتيىمدى ۇيىمداستىرۋعا ىقپال ەتۋ.
ايتا كەتەيىك, «كىم بىلگىش؟» ءتۋرنيرى 2016 جىلدان باستاپ وتكىزىلىپ كەلەدى. الدىڭعى ويىنداردىڭ قورىتىندىسى بويىنشا تۋرنيرگە ەلىمىزدىڭ ءار وڭىرىنەن 45 مىڭعا جۋىق جوعارى سىنىپ وقۋشىلارى قاتىسىپ, ولاردىڭ 53-ءى «جىلدىڭ ەڭ اقىلدى وقۋشىسى» اتاعىنا يە بولىپ, باعالى سىيلىقتارمەن ماراپاتتالدى.
نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى الكەي مارعۇلان ۇلى «تۋرنيردەگى جەڭىستەرىڭىز جەكە دامۋداعى كەزەڭنىڭ ءبىرى. سىزدەرگە جارقىن جەڭىستەر, ومىردە ءبىلىمدى ءارى تابىستى بولۋعا سەپتىگىن تيگىزەتىن جاڭا ءبىلىمدى مەڭگەرۋدى تىلەيمىن!», دەدى قۇتتىقتاۋ سوزىندە.
تۋرنير جازعى دەمالىس كەزىندە ەكى كەزەڭدە ونلاين تۇرىندە ءوتتى. جەڭىمپاز بولعان ويىنشىلار نۇر-سۇلتان قالاسىندا وتكەن فينالدىق ويىنعا قاتىستى. فينالعا ەڭ كوپ ۇپاي جيناعان 10 ويىنشى شىقتى. ويىن بارىسىندا قاتىسۋشىلار تاڭدالعان تاقىرىپ بويىنشا سۇراقتارعا جاۋاپ بەرىپ, بىلگىرلىكتىڭ جوعارى دەڭگەيىن كورسەتتى. ءىس-شارا بالالارعا باسەكەلەستىك رۋحىن سەزىنۋگە جانە بىلىمدەرىن كورسەتۋگە مۇمكىندىك بەردى.
وسىلايشا, قازاق ءتىلدى ويىنشىلار اراسىندا:
1-ورىنعا نۇر-سۇلتان قالاسى, №74 مەكتەپ-گيمنازياسىنىڭ 11-سىنىپ وقۋشىسى باقىتجان شەكەروۆ, 2-ورىنعا نۇر-سۇلتان قالاسى, №74 مەكتەپ-گيمنازياسىنىڭ 10-سىنىپ وقۋشىسى اياۋلىم كەنجەبەكوۆا, 3-ورىنعا نۇر-سۇلتان قالاسى, №2 ورتا مەكتەبىنىڭ 9-سىنىپ وقۋشىسى ماقسات تىلەكتەس يە بولدى.
ورىس ءتىلدى ويىنشىلار اراسىندا:
1-ورىندى ەكىباستۇز قالاسى, وبلىستىق كوپسالالى دارىندى بالالارعا ارنالعان كوپتىلدى ليتسەيىنىڭ 10-سىنىپ وقۋشىسى ارعىن مىسانوۆ, 2-ورىندى پاۆلودار وبلىسى, اقسۋ قالاسى, №4 ورتا مەكتەبىنىڭ 10-سىنىپ وقۋشىسى امينا بەكتاسوۆا, 3-ورىندى اقتوبە قالاسى, ءالىمحان ەرمەكوۆ اتىنداعى №23 ورتا مەكتەپ-ليتسەيىنىڭ 9-سىنىپ وقۋشىسى انەليا يزدەنوۆا الدى.
فينالعا قاتىسقانى ءۇشىن ىنتالاندىرۋ سىيلىعىمەن جانە «جىلدىڭ ۇزدىك وقۋشىسى» اتاعىمەن تۇركىستان وبلىسى, ەسىركەپ باتىر اتىنداعى جالپى ورتا مەكتەبىنىڭ 10-سىنىپ وقۋشىسى قاراقات ءجۇسىپ, شىمكەنت قالاسى, №37 فۋرقات اتىنداعى جالپى ورتا مەكتەبىنىڭ 11-سىنىپ وقۋشىسى نۇرجان قونىسبەك, تۇركىستان وبلىسى, م.اۋەزوۆ اتىنداعى IT-مەكتەپ-ليتسەيىنىڭ 11-سىنىپ وقۋشىسى نۇرايىم جولتاي, تۇركىستان قالاسى, ن.وڭداسىنوۆ اتىنداعى تۇركىستان مامانداندىرىلعان مەكتەپ-ينتەرناتىنىڭ 11-سىنىپ وقۋشىسى شۇعىلا جارىلقاسىن ماراپاتتالدى.
ءتۋرنيردىڭ جەڭىمپازدارىنا «2021 جىلدىڭ ەڭ اقىلدى وقۋشىسى» اتتى ارنايى ديپلوم مەن نوۋتبۋك جانە سمارتفون سياقتى باعالى سىيلىقتار تابىستالدى.
