ايماقتار • 08 قاراشا, 2021

اقتاۋداعى جارىلىس: ۇيىندىلەر استىنداعى باللوندار جارىلۋى مۇمكىن

250 رەت

كورسەتىلدى

1 مين

وقۋ ءۇشىن

بۇل تۋرالى بريفينگتە ماڭعىستاۋ وبلىسى تجد مەملەكەتتىك ءورت باقىلاۋ باسقارماسى باستىعىنىڭ ورىنباسارى ازامات سەيتالين مالىمدەدى, دەپ حابارلايدى Egemen.kz.

گاۋھار قاپاش

اقتاۋداعى جارىلىس: ۇيىندىلەر استىنداعى باللوندار جارىلۋى مۇمكىن

بۇل تۋرالى «لادا» باسىلىمى مالىمدەدى.

وبلىستىق تجد مالىمەتىنشە, عيمارات قيراندىلارىنىڭ استىندا تاعى ەكى گاز باللونى بولۋى مۇمكىن.

«ساۋدا ءۇيىنىڭ يەسىنەن الدىن الا جۇرگىزىلگەن ساۋالناما بويىنشا, وسى جەردە بولۋى مۇمكىن گاز باللوندارىنىڭ سانى انىقتالدى. ءبىزدىڭ قىزمەتكەرلەر ەكى گاز باللونىن الىپ شىقتى, تاعى ەكى گاز باللونى ءۇيىندى استىندا قالۋى مۇمكىن. جارىلىس بولۋ قاۋپى ءالى دە بار», دەدى ازامات سەيتالين.

قازىرگى ۋاقىتتا جەرگىلىكتى اتقارۋشى ورگان ۇيىندىلەردى تازالاۋعا 19 تەحنيكا, سونداي-اق 100-گە جۋىق ادام جۇمىلدىرعان. 100 شارشى مەتر ءۇيىندى تازارتىلدى. جارىلىس تولقىنى 70 مەتر راديۋستا كورشىلەس عيماراتتاردى, سونداي-اق توقتاپ تۇرعان 10 كولىكتى زاقىمدادى.

«اتالعان فاكت بويىنشا ماتەريالدار سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلىپ, ودان ءارى پروتسەسسۋالدىق شەشىم قابىلداۋ ءۇشىن ىشكى ىستەر ورگاندارىنا جولداندى. ماتەريال قىلمىستىق كودەكستىڭ 292-بابىنىڭ 1-بولىگى بويىنشا قۇقىقبۇزۋشىلىق دەرەگى بويىنشا تىركەلدى. ءورت قاۋىپسىزدىگى تالاپتارى سالدارىن جويعاننان كەيىن قوسىمشا ساراپتامالار تاعايىندالادى», دەدى ازامات سەيتالين.

ازامات سەيتاليننىڭ ايتۋىنشا, ەلىمىزدە شاعىن جانە ورتا بيزنەستى تەكسەرەتىن موراتوري ساقتالىپ وتىر, وسىعان بايلانىستى توتەنشە جاعدايلار مينيسترلىگىنىڭ كاسىپكەرلەردى گاز جابدىقتارىن پايدالانۋ قاۋىپسىزدىگىن تەكسەرۋگە مۇمكىندىگى جوق.