الەم • 08 قاراشا, 2021

انگەلا مەركەل ساياساتتان كەتتى

370 رەت

كورسەتىلدى

1 مين

وقۋ ءۇشىن

انگەلا مەركەل قىزمەتىنەن كەتكەننەن كەيىن ەندى ساياساتپەن اينالىسۋعا نيەتى جوق ەكەنىن ايتتى, دەپ حابارلايدى Egemen.kz.

گاۋھار قاپاش

بۇل تۋرالى Deutsche Welle باسىلىمىنا بەرگەن سۇحباتىندا مەركەل كانتسلەر قىزمەتىنەن كەتكەننەن كەيىنگى جوسپارى - ۇيقى مەن وقۋ ەكەنىن ايتقان.

«مەن بۇدان بىلاي ساياساتقا ارالاسپايمىن. ساياسي قاقتىعىستاردى جويۋعا قاتىسپايمىن. مۇنىمەن كوپ جىل بويى اينالىسىپ كەلەمىن, 16 جىل كانتسلەر لاۋىزىمىندامىن», دەدى مەركەل باسىلىمعا بەرگەن سۇحباتىندا.

ساياساتكەر ءبىر-ەكى ايدان كەيىن باسقا جوسپارلارى بولاتىنىن, سونى جۇزەگە اسىراتىنىن ايتتى.

«مەن كوپ جىل بويى الدىما قويىلعان كۇن تارتىبىمەن ءجۇردىم جانە ارقاشان دايىن بولۋىم كەرەك ەدى, ەگەر بىردەڭە بولسا, ۇكىمەت باسشىسى رەتىندە ىستەۋ كەرەك جۇمىستار بار. وعان دەرەۋ ارەكەت ەتۋ كەرەك. قازىر ءوز قالاۋىم بويىنشا نە ىستەيتىنىمدى انىقتاعىم كەلەدى. بىراق بۇل بىرنەشە ايدان كەيىن بەلگىلى بولادى», دەدى مەركەل.

20 مينۋتتىق سۇحبات بارىسىندا مەركەل ادال قىزمەت ىستەگەنىن بىرنەشە رەت اتاپ, فرانتسيا پرەزيدەنتى ەممانۋەل ماكروندى جانە باسقا دا كوشباسشىلاردى ساعىناتىنىن ايتتى.

ايتا كەتەيىك, 27 قازاندا مەركەل رەسمي تۇردە گەرمانيا كانتسلەرى قىزمەتىن توقتاتتى. بۇدان بىلاي مەركەل مەن گفر ۇكىمەتىنىڭ قالعان مۇشەلەرى ءوز فۋنكتسياسىن گەرمانيادا جاڭا ۇكىمەت قۇرىلعانعا دەيىن اتقارادى.