«ەو-نىڭ ۋاقىتشا شەكتەۋلەرى ۆيزاسىز ءجۇرۋدى توقتاتۋ بولىپ سانالمايدى جانە بۇل تەك ساياحاتتاۋعا قاتىستى. ەو تۇراقتى تۇردە «جاسىل ءتىزىمدى» جاڭارتىپ وتىرادى جانە ەپيدەميولوگيالىق جاعداي جاقسارعان جاعدايدا قانداي دا ءبىر ەلدى تىزىمگە قايتا ەنگىزۋ شەشىمىن قابىلدايدى, دەلىنگەن ۆەدومستۆونىڭ سايتىندا.
ەو شەشىمى كەلەسى اپتادان باستاپ كۇشىنە ەنەدى. ۋكراينا 15 شىلدەدەن بەرى «جاسىل تىزىمدە» ەدى. وسى تىزىمدەگى ەلدەردىڭ ازاماتتارى ەۋروپاعا ەشبىر شەكتەۋسىز كىرە الادى (مىسالى, تۋريستىك ساپارمەن). ەرەجەگە سايكەس, بۇل ءتىزىم ءار ەكى اپتا سايىن قارالىپ وتىرادى.
سوڭعى اپتادا ۋكراينادا اۋرۋعا شالدىققانداردىڭ ورتاشا تاۋلىكتىك كورسەتكىشى 23 مىڭنان اسقان بولاتىن. 4 قاراشادا 28 مىڭنان استام ادام Covid-19 جۇقتىرىپ العان.
