وقيعا پەتروپاۆلدا 5 قاراشا كۇنى ساعات 20.00 شاماسىندا بولعان. چايكوۆسكي كوشەسىندە قوعامدىق ءتارتىپتى ساقتاۋ بويىنشا جاۋىنگەرلىك قىزمەت اتقارىپ جۇرگەن پاترۋلدىك توپتىڭ باستىعى نۇرىم بايبەك پەن قاتارداعى جاۋىنگەرلەر دانيەل سكريپينەتس, ولجابەك سابىرباەۆ 2-ءشى ەمحانانىڭ جانىنداعى جىلۋ تراسساسىنىڭ كوللەكتورىنان ءتۇتىن شىققانىن بايقاعان. كورشى اسكەري ناريادپەن بىرگە ولار دەرەۋ ءورت شىققان جەرگە جەتەدى.
«جىلۋ تراسساسىنىڭ كوللەكتورىندا ادامدار بولعان. اسكەري ينستيتۋت كۋرسانتتارى بىردەن ىسكە كىرىسىپ, جانىپ جاتقان بولمەدەن ايەل مەن ەر ادامدى الىپ شىقتى. وسىدان كەيىن جىلۋ تراسساسىنىڭ كوللەكتورىنىڭ ىشىندەگى گاز باللونى جارىلدى», دەيدى قر ۇلتتىق ۇلان وڭىرلىك قولباسشىلىعىنىڭ قوعاممەن بايلانىس جونىندەگى وفيتسەرى مۇراتبەك ارىستانباەۆ.
اسكەري نارياد اۋماقتى بىردەن قورشاۋعا الىپ, وقيعا ورنىنا ارنايى قىزمەتتەر – 101, 102, 103-ءتى شاقىردى. جەدەل جاردەم قىزمەتى كۇيىك العان ەكى ادامعا مەديتسينالىق كومەك كورسەتتى.
