قازىرگى جاعداي مەن اتقارىلىپ جاتقان جۇمىستار تۋرالى ۇلتتىق بانك توراعاسى ەربولات دوساەۆ, ساۋدا جانە ينتەگراتسيا ۆيتسە-ءمينيسترى ەرجان قازانباەۆ, اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ, باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, باتىس قازاقستان وبلىسىنىڭ اكىمى عالي ەسقاليەۆ, شىعىس قازاقستان وبلىسىنىڭ اكىمى دانيال احمەتوۆ, اقمولا وبلىسىنىڭ اكىمى ەرمەك مارجىقپاەۆ, اتىراۋ وبلىسىنىڭ اكىمى ماحامبەت دوسمۇحامبەتوۆ, قىزىلوردا وبلىسىنىڭ اكىمى گۇلشارا ابدىقالىقوۆا جانە ت. ب. باياندادى.
وتكەن اپتادا رەسپۋبليكا بويىنشا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ جالپى ءوسۋ يندەكسى 0,0%-دى قۇرادى. قابىلدانعان شارالار ەسەبىنەن ءسابىز (-3,1%), پياز (-2,2%), كارتوپ (-0,8%) باعاسىنىڭ تومەندەۋى بايقالادى. سۇزبە, كۇنباعىس مايى, كۇرىش جانە تۇز باعاسى وزگەرگەن جوق.
وڭىرلەردە «اينالىم سحەماسىن» قارجىلاندىرۋ 46,6 ملرد تەڭگەگە جەتتى. نىسانالى دەڭگەي 93,2%-عا قامتاماسىز ەتىلدى. «اينالىم سحەماسى» بويىنشا ءتيىمدى جۇمىس نۇر-سۇلتان, الماتى جانە شىمكەنت قالالارىندا, الماتى, شىعىس قازاقستان, باتىس قازاقستان, قوستاناي جانە سولتۇستىك قازاقستان وبلىستارىندا بايقالادى.
وتكەن اپتادا باسەكەلەستىكتى قورعاۋ جانە دامىتۋ اگەنتتىگى ءارتۇرلى باعالاردى قويۋ تۇرعىسىنان ۇستەم جاعدايدى تەرىس پايدالانۋ بەلگىلەرى بويىنشا: سولتۇستىك قازاقستان وبلىسىندا تاۋىق جۇمىرتقاسىن وندىرۋشىلەرگە, نۇر-سۇلتان قالاسىندا تاۋىق جۇمىرتقاسىن كوتەرمە ساۋدادا جەتكىزۋشىگە, اقتوبە وبلىسىندا تاۋىق ەتىن كوتەرمە ساۋدادا جەتكىزۋشىگە, الماتى وبلىسىنداعى تاۋىق جۇمىرتقاسىن وندىرۋشىلەرگە باعانى ۇستاپ تۇرۋ بولىگىندە باسەكەلەستىككە قارسى كەلىسىلگەن ارەكەتتەرى ءۇشىن 6 حابارلاما شىعاردى.
قىزىلوردا جانە باتىس قازاقستان وبلىستارىنداعى وندىرۋشىلەرمەن جانە ساۋدا جەلىلەرىمەن مونوپولياعا قارسى كومپلاەنستىڭ 4 اكتىسى جاسالدى. جالپى, رەسپۋبليكا بويىنشا مونوپولياعا قارسى كومپلاەنستىڭ 139 اكتىسى جاسالدى.
باتىس قازاقستان وبلىسىندا ەت جانە تاۋىق جۇمىرتقاسى, نان مەن ۇن, ماكارون ونىمدەرىن وندىرۋشىلەردىڭ باعانىڭ ءوسۋى مۇمكىن ەكەنى تۋرالى جاريا مالىمدەمەسى ءۇشىن مونوپولياعا قارسى زاڭنامانى بۇزۋعا جول بەرمەۋ تۋرالى 6 ەسكەرتۋ جاسالدى.
الدىن الا دەرەكتەر بويىنشا, قۇس فابريكالارى تاراپىنان مونوپولياعا قارسى زاڭنامانى بۇزۋ بەلگىلەرى بايقالۋدا. قايتالاناتىن بۇزۋشىلىقتار بويىنشا تەرگەۋ حابارلامالار شىعارىلعان كۇننەن باستاپ كۇنتىزبەلىك ءبىر جىل ىشىندە جۇرگىزىلەدى.
پرەمەر-مينيستر وڭىرلەردىڭ اكىمدەرىنە باعانى باقىلاۋدى جانە الەۋمەتتىك ماڭىزى بار ازىق-ت ۇلىك ونىمدەرىنىڭ ءاربىر پوزيتسياسى بويىنشا ءتيىستى جەدەل شارالار قابىلداۋدى, باعانىڭ وسۋىنە جول بەرمەۋ ءۇشىن ازىق-ت ۇلىك تاۋارلارىن دۇكەن سورەلەرىنە ۋاقىتىلى جەتكىزۋدى قولمەن قامتاماسىز ەتۋدى تاپسىردى.
ەگىن جيناۋ ناۋقانىنىڭ اياقتالۋىن جانە الداعى مەرەكەلەردى ەسكەرە وتىرىپ, اكىمدىكتەرگە ءبىر اپتا ىشىندە وڭىرلەردى ۇنمەن 100%-عا دەيىن قامتاماسىز ەتۋ, بۇعان دەيىن بەكىتىلگەن نورماتيۆتەرگە سايكەس نەگىزگى كوكونىستەر بويىنشا قورلاردى تولىقتىرۋ, سونداي-اق دەلدالسىز ساۋدا جەلىلەرى مەن وندىرۋشىلەر اراسىندا فورۆاردتىق ساتىپ الۋ شارتتارىن جاساسۋدى قامتاماسىز ەتۋ تاپسىرىلدى.
