كەزدەسۋ بارىسىندا «رۋحاني جاڭعىرۋ» باعدارلاماسىن ۇيلەستىرۋ دەپارتامەنتىنىڭ ديرەكتورى ۋ.تناليەۆ جوبانىڭ باعىتى, ماقساتى, مىندەتتەرى جانە ىسكە اسىرۋ تەتىكتەرىمەن تانىستىردى.
ۇلتتىق جوبانىڭ ءبىرىنشى باعىتى - «رۋحاني جاڭعىرۋ» قۇندىلىقتارىن ىلگەرىلەتۋ جانە مەملەكەتتىك ءتىلدى دامىتۋ». بۇل باعىت بويىنشا 38-ءىس شارا, 8 كورسەتكىش كوزدەلگەن. ەكىنشى «ەل رۋحى» باعىتى – مادەنيەت سالاسىندا قولجەتىمدىلىك پەن ساپانى ارتتىرۋ, 13 ءىس – شارا مەن 5 كورسەتكىشكە جەتۋ جوسپارلانعان. ءۇشىنشى «تاۋەلسىزدىك ۇرپاقتارى» باعىتى. بۇل – جاستار ءۇشىن جاڭا مۇمكىندىكتەر اشۋ جانە ولاردى قوعامدىق پايدالى ىستەرگە تارتۋ مىندەتتەرىن قامتيدى.
«2025 جىلعا دەيىن جاستاردىڭ بازالىق سۇرانىستارىن شەشۋ كەرەك. ياعني, ساپالى جانە قولجەتىمدى ءبىلىم بەرۋ, جۇمىسقا ورنالاستىرۋ, تۇرعىن ۇيمەن قامتاماسىز ەتۋ, جاستاردىڭ جان-جاقتى دامۋىنا قۇقىقتىق جاعدايلار جاساپ, رۋحاني-ادامگەرشىلىك جانە وتباسىلىق قۇندىلىقتارعا باۋلۋ وتە ماڭىزدى. جاستاردى قوعامدىق پايدالى ىستەرگە تارتىپ, باسەكەگە قابىلەتتى ۇرپاق تاربيەسىنە جاڭا مۇمكىندىكتەر اشۋ جوسپارلانعان. بۇل ماسەلەلەردى شەشۋ ءۇشىن 15 ۇلكەن جوبا قولعا الىنىپ, ناتيجەسىندە 8 ناقتى كورسەتكىشكە قول جەتەتىن بولادى» دەدى تناليەۆ.
كەزدەسۋ بارىسىندا مادەنيەت كوميتەتىنىڭ توراعاسى ا.ابدۋاليەۆ, «ەل رۋحى» باعىتى بويىنشا نەگىزگى 13 ءىس-شارا كوزدەلگەندىگىن ايتىپ, 2025 جىلعا دەيىن, 250-دەن استام مادەنيەت وبەكتىسىن سالۋ, 1200-دەن استام مادەنيەت وبەكتىسىن جوندەۋ, شامامەن 8-ۆيزيت ورتالىقتارىن سالۋ, كوزى كورمەيتىن مەن ناشار كورەتىندەر ءۇشىن, ونىڭ ىشىندە مەملەكەتتىك تىلدە كىتاپحانالار قورىن ۇلعايتۋ, عىلىمي-رەستاۆراتسيالاۋ جۇمىستارىن جۇرگىزۋ ارقىلى تاريحي-مادەني مۇرا وبەكتىلەرىن ساقتاۋ, وتكىزىلەتىن بارلىق مادەني ءىس-شارالار, تەاتر ماۋسىمى, كىتاپحانا, مۋزەي جانە كورمە قورلارى تۋرالى اقپاراتقا قولجەتىلىمدىكتى قامتاماسىز ەتە وتىرىپ, «e-culture.kz» بىرىڭعاي ەلەكتروندىق پلاتفورماسىن قۇرۋ كەرەكتىگىن اتاپ ءوتتى.
