«قارجىلىق مونيتورينگ اگەنتتىگى ەلىمىزدىڭ بارلىق وڭىرلەرىندە قاراجاتتى قىلمىستىق جولمەن قولما-قول اقشاعا اينالدىرۋ دەرەكتەرىنىڭ جولىن كەسۋدە.
اگەنتتىكتىڭ پاۆلودار وبلىسى بويىنشا اۋماقتىق دەپارتامەنتى جالعان شوت-فاكتۋرالاردى جازىپ بەرۋ دەرەگى بويىنشا پاۆلودار قالاسىنىڭ تۇرعىنى و.ششيپيلوعا قاتىستى قىلمىستىق ءىستى اياقتادى.
و.ششيپيلو بۇرىن سوتتالعان ا. كولەسنيكوۆپەن الدىن الا ءسوز بايلاسۋ ارقىلى ءۇش جىل بويى جوسىقسىز كومپانيالارعا سالىق تولەۋدەن جالتارۋعا كومەك كورسەتكەن.
زاڭعا قايشى سحەماعا ول ءوز باقىلاۋىنداعى 3 جالعان فيرمانى قاتىستىرعان: «پريزما پليۋس», «كونەكتگرۋپپ» جانە «سولمير» جشس», دەلىنگەن تاراتىلعان حابارلامادا.
وسىلايشا مەملەكەتكە تولەنبەگەن سالىقتار تۇرىندە 500 ملن تەڭگەدەن استام سوماعا زالال كەلتىرىلگەن. و.ششيپولا 4,5 جىلعا باس بوستاندىعىنان ايىرىلدى.
