جەڭىمپازداردى قۇتتىقتاپ, التىن مەدالدار مەن چەمپيوندىق توندونى تابىس ەتكەن باس حاتشى «توبىلدىڭ» جەتىستىگىنە وبلىس تۇرعىندارىنىڭ تاريحي جەڭىسى دەگەن باعا بەرىپ, ايماق باسشىسى ارحيمەد مۇحامبەتوۆكە التىن مەدال تاقتى.
ويىنشىلاردى وبلىس اكىمى دە قۇتتىقتاپ, جەڭىس جولىندا ايانباي تەر توككەن فۋتبول كلۋبىنىڭ قۇرامىنا, فۋتبولشىلارعا دەم بەرىپ, ۇنەمى قولداۋ كورسەتۋدەن تانباعان كوپشىلىك جانكۇيەرلەرگە ريزاشىلىق ءبىلدىرىپ, العىس ايتتى.
– بۇگىنگى تاڭدا وبلىستا بۇقارالىق سپورت تۇرلەرىن دامىتۋعا جانە سالاماتتى ءومىر سالتىن قالىپتاستىرۋعا كوپ كوڭىل ءبولىپ جاتىرمىز. مىسالى, سوڭعى ءۇش جىلدىڭ وزىندە وڭىردە 105 شاعىن فۋتبول الاڭى سالىندى. ونىڭ 65-ءى اۋدان ورتالىقتارى مەن تىرەك اۋىلداردا, قالعانى وبلىس ورتالىعىندا ورنالاسقان. التىنسارين, قامىستى اۋداندارى مەن ليساكوۆ, ارقالىق, رۋدنىي قالالارىنداعى ستاديونداردى جاڭارتتىق. امانكەلدى, جانكەلدين, ۇزىنكول اۋداندارىندا دەنەشىنىقتىرۋ-ساۋىقتىرۋ كەشەندەرى بوي كوتەردى. قوستاناي قالاسىنىڭ وزىندە ۇلكەن باسسەيننىڭ قۇرىلىسى اياقتالىپ قالدى. قازىر ىشكى قۇرىلىس جۇمىستارى ءجۇرىپ جاتىر. سونىمەن قاتار الداعى ايدا مۇز سارايى كەشەنى پايدالانۋعا بەرىلمەك. وسىنىڭ ءبارى – وڭىرلىك بۇقارالىق سپورتتى دامىتۋعا ىقپال ەتەتىن يگى شارالاردىڭ باستاۋى, – دەدى ارحيمەد مۇحامبەتوۆ.
وبلىس اكىمى پرەزيدەنتتىڭ كاسىبي كلۋبتاردى مەملەكەت ەسەبىنەن قارجىلاندىرۋدى ازايتۋ تۋرالى تاپسىرماسىنىڭ ورىندالۋ بارىسىنا دا توقتالىپ ءوتتى. ونىڭ ايتۋىنشا, بۇدان ۇنەمدەلگەن قارجى مەملەكەتتىك تاپسىرىستى ورىندايتىن جەكەمەنشىك سپورت مەكەمەلەرىنىڭ يگىلىگىنە جۇمسالۋدا. بۇگىندە وبلىستا 3 مىڭنان استام بالا ءتۇرلى سپورت سەكتسيالارىنا تەگىن بارىپ ءجۇر. ولاردىڭ ىشىندە تۇرمىسى تومەن وتباسىلاردا تاربيەلەنىپ جاتقان 300 بالا بار.
ماراپاتتاۋ ءراسىمى اياقتالعان سوڭ فۋتبولشىلار جانكۇيەرلەرمەن بىرگە سۋرەتكە ءتۇستى. سالتاناتتى ءىس-شارانىڭ سوڭى الىس-جاقىننان كەلگەن ەسترادا انشىلەرىنىڭ كونتسەرتىنە ۇلاستى.
قوستاناي
