ءوزارا ءتيىمدى ىنتىماقتاستىق

وبلىستىق كاسىپكەرلەر پالاتاسى اقتوبە ونەركاسىپتىك تەحنولوگيالار جانە باسقارۋ كوللەدجى مەن اقتوبە مۇناي قۇرالدارى زا­ۋى­تى اراسىندا كاسىپتىك مامان جۇمىسشىلار دايارلاۋ بويىنشا كەلىسىمشارت جاساسۋعا باستاماشى بولدى. كاسىپتىك-تەحنيكالىق وقۋ ورنى مەن كاسىپكەرلىك سۋبەكتىلەر ارا­سىندا ەڭبەك نارىعىن جۇمىسشى كادر­لارى­مەن قامتاماسىز ەتۋگە بايلانىس­تى ءوزارا ارىپتەستىك قاتىناس ورنىعۋدا. شى­نى كەرەك, بارلىق وقۋ ورىندارى بىردەي بو­لا­شاق جۇمىسشىلاردىڭ تاجىريبەدەن وتە­تىندەي قاجەتتى قۇرالدارمەن جاراق­تان­­­دىرىلماعان. بۇل باعىتتا اقتوبە ونەر­­كاسىپتىك تەحنولوگيالار جانە باس­قارۋ كوللەدجىندە تىم-ءتاۋىر تاجىريبە قالىپتاسىپ وتىر, مۇندا زاۋىت جاقىندا سا­تىپ العان قوندىرعىلاردا جۇمىس ءىس­تەي­تىن مامانداردى ەكىنشى جىل دايىنداپ كەلەدى. شۆەيتساريادا شىعارىلعان قون­دىر­عى كاسىپورىنعا جاقىندا جەتكىزىلدى, تاياۋ ۋاقىتتا شەتەلدىك كومپانيا ماماندارى ونى وسى زاۋىتتا قۇراستىرا باستايدى. اقتوبە وبلىسى كاسىپكەرلەر پالاتاسىنىڭ الەۋمەتتىك بلوك ساراپشىسى ارمان بوراشتىڭ ايتۋىنشا, كوللەدجدە وسى قوندىرعىلاردا جۇمىس ىستەيتىن مامانداردىڭ تاجىريبەدەن وتۋىنە تاماشا جاعداي تۋعىزىلعان. مۇنى بىلگەن اقتوبە مۇناي قۇرالدارى زاۋىتىنىڭ باسشىلىعى وسىنداي ءوزارا ارىپتەستىك قادامعا بارىپ وتىر. الداعى ۋاقىتتا كاسىپورىن دايىن مامانداردى قابىلداپ, بىردەن ىسكە كىرىسىپ كەتۋگە مۇددەلى. كاسىپورىن مەن كوللەدج باسشىلارى جۇمىسشى كادرلارىن دايارلاۋ تۋرالى ارىپتەستىك مەموراندۋمىنا قول قويدى. زاۋىت وكىلدەرى كوللەدجدە بولىپ, وقۋشىلاردىڭ وسى زامانعى قوندىرعىلاردا تاجىريبەدەن ءوتىپ جاتقانىن كورىپ, ولاردىڭ بىردەن جۇمىس ىستەپ كەتەتىنىنە سەندى. كوللەدج وقۋشىلارى زاۋىتقا ەكسكۋرسسيا جاسادى. – وقۋلارىن اياقتاعان سوڭ تۇلەكتەردىڭ ءبىر بولىگىن لوكوموتيۆ دەپوسىنا جىبەرەمىز, ەندى ءبىر بولىگى جەكە فيرمالارعا جۇمىسقا ورنالاسادى. بۇدان بىلاي بۇل ماسەلە بۇرىنعىدان دا جەڭىل شەشىلەتىن بولدى. اقتوبە وبلىسى كاسىپكەرلەرى پالاتاسىنىڭ باستاماسىمەن اقتوبە مۇناي قۇرالدارى زىۋىتىمەن تۇلەكتەرىمىزدى جۇمىسقا قابىلداۋعا كەلىسىم-شارت جاسالدى,–دەيدى كوللەدجدىڭ توكار ءىسى بويىنشا وندىرىستىك وقۋ شەبەرى نۇرجان وكسىكباەۆ. بولاشاق توكارلار زاۋىتتىڭ تەحنيكالىق ءبولىمىنىڭ باستىعى التىنبەك مازەنوۆتىڭ ءوندىرىس تۋرالى اڭگىمەسىن ىنتا قويا تىڭدادى. ول جۇمىسشى قولى جەتىسپەيتىنىن دە جاسىرمادى. اسىرەسە, اۆتوماتتاندىرىلعان ستانوكتاردا جۇمىس ىستەيتىن شەبەر توكارلارعا سۇرانىس جوعارى كورىنەدى. ساتىبالدى ءساۋىرباي, «ەگەمەن قازاقستان».  اقتوبە وبلىسى.