«بۇل ماسەلە پاۆلودار (1,25%), باتىس قازاقستان (1,4%) جانە سولتۇستىك قازاقستان (3,5%) وبلىستارىندا وتە وزەكتى بولىپ تۇر. وسى جىلدان باستاپ ولاردى كومۋگە تىيىم سالىندى. نورما 2016 جىلى ەنگىزىلدى. وعان قاراماستان, تەك نۇر-سۇلتان, الماتى جانە ليساكوۆسك قالالارىندا قۇرىلىس قالدىقتارىنا ارنالعان الاڭدار بار», دەدى مينيستر.
جالپى, قوقىس شىعاراتىن ۇيىمداردىڭ قىزمەتىن رەتتەۋ جانە باقىلاۋ ماقساتىندا جاڭا ەكوكودەكستە حابارلاما جاساۋ ءتارتىبىن ەنگىزۋ كوزدەلگەن. ولار كولىككە GPS-داتچيكتەرىن ورناتۋعا جانە كولىكتىڭ قوزعالىسى تۋرالى تولىق اقپاراتتى بەرۋگە مىندەتتى. وعان قوسا, قالدىقتارمەن جۇمىس ىستەۋ تالاپتارىن بۇزعانى ءۇشىن ايىپپۇلدار دا جوعارىلاعان.
«سونىمەن قاتار مەملەكەت باسشىسىنىڭ تاپسىرماسى بويىنشا ارال تەڭىزىنىڭ قۇرعاعان تۇبىنە جالپى كولەمى 1,1 ملن گەكتار جەرگە سەكسەۋىل وتىرعىزۋدى ناقتى ىسكە اسىرۋعا كىرىستىك. بيىل سەكسەۋىل ەگۋ 100 مىڭ گا القاپتا, كەلەسى 4 جىلدا جىل سايىن 250 مىڭ گا القاپتا جۇرگىزىلەتىن بولادى. وزبەكستان رەسپۋبليكاسىنىڭ وڭ تاجىريبەسىن قولدانا وتىرىپ, ءبىز العاش رەت سەكسەۋىلدى اەرو ەگۋدى جۇرگىزۋدى جوسپارلاپ وتىرعانىمىزدى اتاپ ءوتۋ قاجەت. ىنتىماقتاستىق جونىندەگى ءتيىستى جول كارتاسىنا قول قويىلدى», دەپ مالىمدەدى ماعزۇم مىرزاعاليەۆ.
