قازاقستاننىڭ باسىم بولىگى اۋقىمدى انتيتسيكلون ىقپالىندا بولادى, سوندىقتان جاۋىن-شاشىن جاۋمايدى. تەك ەلدىڭ وڭتۇستىگىندە, شىعىسىندا جانە وڭتۇستىك-شىعىسىندا فرونتتاردىڭ وتۋىنە بايلانىستى اۋا رايى تۇراقسىز بولادى. قار جاۋادى, وڭتۇستىك پەن وڭتۇستىك-شىعىستىڭ تاۋلى اۋداندارىندا جانە تاۋ بوكتەرىندە قالىڭ قار جاۋادى.
باتىستا, سولتۇستىك-باتىستا, سولتۇستىكتە, شىعىستا تۇمان تۇسەدى. رەسپۋبليكانىڭ باسىم بولىگىندە جەل كۇشەيىپ, وڭتۇستىكتە جانە وڭتۇستىك-باتىستا شاڭدى داۋىل سوعادى. ەلدىڭ وڭتۇستىك-شىعىسىندا كوكتايعاق بولادى, جاياۋ بۇرقاسىن كوتەرىلەدى.
تۇركىستان وبلىسىنىڭ سولتۇستىگىندە, باتىسىندا جانە تاۋلى اۋداندارىندا جەل ەكپىنى 23-28 م/س جەتەدى. كۇندىز تاۋلى اسۋلاردا جەل جىلدامدىعى 30 م/س اسۋى مۇمكىن. جامبىل وبلىسىنىڭ سولتۇستىك شىعىسىندا, وڭتۇستىك باتىسىندا جانە تاۋلى اۋداندارىندا تۇمان تۇسەدى, كوكتايعاق بولىپ, جاياۋ بۇرقاسىن سوعادى. جەل ەكپىنى – 15-20, 23-28 م/س شاماسىندا.
الماتى وبلىسىنىڭ شىعىسىندا, وڭتۇستىگىندە تۇمان جانە كوكتايعاق بولادى. جەلدىڭ ەكپىنى 23-28 م/س دەيىن كۇشەيەدى. قىزىلوردا وبلىسىنىڭ باسىم بولىگىندە جەل قارقىنى – 15-20 م/س. كۇندىز 23 م/س دەيىن جەتەدى, وبلىس ورتالىعىندا شاڭدى داۋىل سوعادى.
ماڭعىستاۋ وبلىسىندا جەلدىڭ كۇشى – 15-20 م/س. كۇندىز وبلىستىڭ وڭتۇستىگىندە, سولتۇستىك-شىعىسىندا شاڭدى داۋىل تۇرادى.
باتىس قازاقستان, سولتۇستىك قازاقستان وبلىستارىندا تۇندە جانە تاڭەرتەڭ تۇمان تۇسەدى, باتىس قازاقستان وبلىسىنىڭ وڭتۇستىك-باتىسىندا, سولتۇستىك قازاقستان وبلىسىنىڭ باسىم بولىگىندە جەل ەكپىنى 15-20 م/س دەيىن كۇشەيەدى.
اتىراۋ وبلىسىنىڭ باتىسىندا, سولتۇستىگىندە جانە ورتالىعىندا جەل جىلدامدىعى 15-20 م/س جەتەدى.
تۇندە شىعىس قازاقستان وبلىسىنىڭ شىعىسىندا جاياۋ بۇرقاسىن كوتەرىلىپ, تۇمان تۇسەدى. جەل قارقىنى – 15-20 م/س.
قوستاناي وبلىسىنىڭ وڭتۇستىگىندە, قاراعاندى وبلىسىنىڭ سولتۇستىگىندە تۇمان تۇسەدى.
