زاڭعا سايكەس, ەل اۋماعىندا تۇرىپ جاتقان كەز كەلگەن ادام شەتەل ازاماتتىعىن قابىلداعان ساتتەن باستاپ, قازاقستان رەسپۋبليكاسىنىڭ ازاماتى دەگەن مارتەبەسىنەن ءبىرجولا ايىرىلادى. الايدا قاراسۋداعى كوشى-قون قىزمەتى مەن وسى اۋداننىڭ الەۋمەتتىك قامتاماسىز ەتۋ ءبولىمى بىرلەسىپ وتكىزگەن جەدەل شارا بارىسىندا ۇستالعان 64 جاستاعى ايەلدىڭ رەسەي ازاماتتىعىن وسىدان 16 جىل بۇرىن رەسىمدەپ العانىمەن, كۇنى بۇگىنگە دەيىن قاراسۋ اۋىلىندا تۇرىپ كەلگەنى انىقتالىپ وتىر. رەسەيدىڭ زەينەتاقىسىنا قاناعاتتانباعان ول 2015 جىلى قازاقستان رەسپۋبليكاسىندا تاعى ءبىر زەينەتاقى رەسىمدەپ العان. قازىر قۇزىرلى ورىندار اككى ايەلدىڭ قالتاسىنا زاڭسىز جولمەن تۇسكەن قارجىنى قايتارىپ الۋ ماسەلەسىن قاراستىرىپ جاتىر.
رەسەي ازاماتشاسى اكىمشىلىك قۇقىق بۇزۋشىلىق تۋرالى كودەكسىنىڭ 496-بابى بويىنشا اكىمشىلىك جاۋاپكەرشىلىككە تارتىلىپ, 100 اەك, ياعني 291 مىڭ 700 تەڭگە كولەمىندە ايىپپۇل تولەيتىن بولدى. سونىمەن قاتار بۇگىنگە دەيىن زاڭسىز يەمدەنىپ كەلگەن قازاقستان رەسپۋبليكاسىنىڭ ازاماتتىعىنان ايىرىلدى.
