«تەرگەۋ 2020-2021 جىلدار كەزەڭىندە شىمكەنت كاسىپورىندارىنىڭ ءبىرىنىڭ ديرەكتورى گ. چەركاسوۆا بەلگىلەنبەگەن تۇلعالاردان سۇيىتىلعان گازدى ولاردىڭ شىعۋ تەگىنىڭ زاڭدىلىعىن راستايتىن قۇجاتتارسىز ساتىپ العانىن انىقتادى. كەيىننەن ول سالماعى 966 توننادان اساتىن سۇيىتىلعان گازدى وزبەكستان مەن تاجىكستانعا 146 ميلليون تەڭگەدەن استام سوماعا زاڭسىز ەكسپورتتادى», دەپ حابارلادى قر ققا ءباسپاسوز قىزمەتى.
ەاەو كەدەندىك شەكاراسى ارقىلى اكەتۋ كەزىندە ول جالعان شارتتار مەن تاۋاردىڭ شىعۋ تەگى تۋرالى قۇجاتتاردى پايدالاندى.
تەرگەۋ بارىسىندا قۇجاتتاردىڭ قولدان جاسالعانى جانە ءوزارا ەسەپ ايىرىسۋدىڭ بولماعاندىعى فاكتىلەرىن اتالعان كومپانيالار راستادى.
سوت چەركاسوۆاعا 4,3 ميلليون تەڭگە كولەمىندە ايىپپۇل سالدى.
