الەم • 03 قاراشا, 2021

قىتايدا كوروناۆيرۋس قايتا ءورشىدى

1 مين

وقۋ ءۇشىن

قىتايدا COVID-19 جۇقتىرۋدىڭ جاڭا 93 جاعدايى تىركەلدى, دەپ حابارلايدى Egemen.kz.

گاۋھار قاپاش

بۇل تۋرالى قحر دەنساۋلىق ساقتاۋ جانە بالا تۋ جونىندەگى مەملەكەتتىك كوميتەتى حابارلادى. 93 جاعدايدىڭ 35-ءى ەلدىڭ سولتۇستىك-شىعىسىنداعى حەيحە قالاسىندا تىركەلگەنى اتاپ ءوتىلدى.

ۆەدومستۆودا ءبىر كۇن بۇرىن ەل ىشىندە 54 ادام جۇقتىرعانى, وتكەن اپتادا 59 ادام جۇقتىرعانى انىقتالدى. شەنەۋنىكتەر قازىرگى جاعداي وتە جۇقپالى دەلتا شتامىنا بايلانىستى دەپ سانايدى. سونىمەن بىرگە, جەرگىلىكتى باق بۇل تەندەنتسيانى «الاڭداۋشىلىق تۋعىزادى» دەپ جازۋدا. سەبەبى بيلىك قابىلداعان قاتاڭ شەكتەۋ شارالارىنا قاراماستان اۋرۋ جۇقتىرۋ گەوگرافياسى كەڭەيىپ بارادى.

قىتاي بيلىگى ۆيرۋستىڭ تارالۋىن تۇرعىنداردى جاپپاي تەستىلەۋ جانە اۋرۋحانالاردى ماقساتتى تۇردە جابۋ ارقىلى بولدىرماۋعا تىرىستى, ويتكەنى اۋرۋ 11 پروۆينتسياعا تارالعان. قىتاي ساپارلارعا شەكتەۋلەر قويىپ, تەكسەرۋلەردى كۇشەيتتى جانە اۋرۋدى باسۋ ءۇشىن ساق بولۋعا شاقىردى.

بۇعان دەيىن قىتايدىڭ ۋحان قالاسىنىڭ بيلىگى قالادا كوروناۆيرۋس ينفەكتسياسىنىڭ بىرنەشە جاعدايى انىقتالعاننان كەيىن بۇكىل حالىقتى پتر-تەستىلەۋدەن وتكىزگەن ەدى.