«قازاقستاننىڭ سىرتقى ىستەر مينيسترلىگىنە ديپلوماتيالىق ارنالار ارقىلى كەلىپ تۇسكەن اقپاراتقا سايكەس, 2021 جىلدىڭ 8 قاراشاسىنان باستاپ اقش-قا كىرۋگە اقش-تىڭ تاماق ونىمدەرى مەن ءدارى-دارمەكتەردىڭ ساپاسىن سانيتاريالىق قاداعالاۋ باسقارماسى (FDA) نەمەسە ددسۇ ماقۇلداعان COVID-19-عا قارسى ەكپە العانىن راستايتىن سەرتيفيكاتى بار ادامدارعا عانا رۇقسات ەتىلەدى. بەكىتىلگەن تىزىمگە Pfizer-BioNTech, Moderna, Johnson&Johnson, AstraZeneca, Covishield, BIBP/Sinopharm, Sinovac سەكىلدى ۆاكتسينالار كىرەدى», دەلىنگەن ءسىم حابارلاماسىندا.
سىرتقى ساياسي ۆەدومستۆودا سەرتيفيكاتتار ۆاكتسيناتسياعا جاۋاپتى مەملەكەتتىك ورگان بەكىتكەن نۇسقا بويىنشا راسىمدەلۋى ءتيىس ەكەنى ايتىلدى. بۇل قۇجاتتاردىڭ تۇپنۇسقا ەكەنىن اۆياكومپانيا قىزمەتكەرلەرى اقش-قا ۇشقانعا دەيىن تىركەۋ كەزىندە تەكسەرەدى.
