قاۋلىعا سايكەس بۇقارالىق ءىس-شارالارعا, مارافوندار, سپورتتىق, وتباسىلىق, ەسكە الۋ ءىس-شارالاردى قوسا العاندا, ونىڭ ىشىندە ۇيدە وتكىزۋگە جانە ولارعا قاتىسۋعا, Ashyq جوباسىنا قاتىساتىن ءىس-شارالاردى وتكىزۋدى قوسپاعاندا, ميتينگىلەر, شەرۋلەر, جيىندار ۇيىمداستىرۋعا جانە قاتىسۋعا تىيىم سالىنعان.
قىزمەتىنە تىيىم سالىنعان بوۋلينگ-ورتالىقتارعا, كومپيۋتەر كلۋبتارىنا, PlayStation كلۋبتارىنا, بيليارد, كاراوكە, تسيرك, باتۋت, تۇنگى كلۋب, بۋكمەكەرلىك كەڭسەلەرگە جانە ويىن كلۋبتارىنا بارۋعا بولمايدى. سونداي-اق جابىق ءۇي-جايلارداعى بالالاردىڭ ويىن-ساۋىق ورتالىقتارىنا, بالالاردىڭ ويىن بولمەلەرىنە, ويىن الاڭدارى مەن اتتراكتسيوندارىنا بارۋعا رۇقسات بەرىلمەگەن.
Ashyq جوباسىنا قاتىساتىن كاسىپكەرلىك وبەكتىلەرگە كىرۋ ءۇشىن Ashyq ءموبيلدى قوسىمشاسىن, ونىڭ ىشىندە باسقا دا پلاتفورمالار ارقىلى (مىسالى EGOV mobile, اitu پلاتفورماسىنداعى انالوگى, Kaspi.kz, Halyk Bank, Sberbank.kz, الفا-بانك) پايدالانۋ قاجەت.
«قوعامدىق ورىندارعا, ونىڭ ىشىندە قوعامدىق كولىكتەرگە, قىزمەتىنە رۇقسات ەتىلگەن وبەكتىلەرگە بارعان كەزدە, سونداي-اق قوعامدىق ورىنداردا اشىق اۋادا بولعان كەزدە مەديتسينالىق بەتپەردە تاعىپ, اراقاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتاردى قاتاڭ ساقتاۋ قاجەت», دەلىنگەن قاۋلىدا.
سونداي-اق قازاقستاننىڭ باس مەملەكەتتىك سانيتارلىق دارىگەرى بەكىتكەن ەرەجەگە سايكەس, كاسىپورىن, ۇيىم جانە كاسىپكەرلىك سۋبەكتىلەرىندە كوروناۆيرۋسقا قارسى ۆاكتسينا الماعان (تۇراقتى مەديتسينالىق قارسى كورسەتىلىمدەرى بار ادامداردى جانە كەيىنگى ءۇش ايدا COVID-19 ينفەكتسياسىمەن اۋىرىپ جازىلعان ادامداردى قوسپاعاندا) قىزمەتكەرلەردىڭ جۇمىسقا شىعۋىنا شەكتەۋ قويىلعان.
قاۋلى ەكىنشى قاراشادان باستاپ كۇشىنە ەندى.
ايتا كەتەرى, بۇعان دەيىن الماتىنىڭ باس سانيتار دارىگەرىنىڭ قالادا كارانتين تالاپتارىن جەڭىلدەتۋ تۋرالى قاۋلىسى شىقتى. الايدا دارىگەرلەر قازاقستاننىڭ باس مەملەكەتتىك سانيتار دارىگەرىنىڭ №47 قاۋلىسىن باسشىلىققا الۋدى ۇيعاردى.
