«قۇقىق قورعاۋ سالاسى بويىنشا كوپتەگەن باستامالار جۇزەگە اسىرىلدى. پرەزيدەنت بۇل ماسەلەگە ەرەكشە كوڭىل بولەدى. وتكەن جىلى دا, وسى جىلى دا پرەزيدەنت ءوز جولداۋىندا قۇقىق قورعاۋ تاقىرىبىنا ارنايى بلوك ءبولدى. بۇل پرەزيدەنت جولداۋىنداعى جاڭالىقتاردىڭ ءبىرى. مەملەكەتتىك ورگانداردى ادام قۇقىقتارىن قورعاۋ جونىندەگى جۇيەلى جۇمىسقا باعىتتاۋ ءۇشىن پرەزيدەنت ادام قۇقىقتارىن قورعاۋدىڭ كەشەندى جوسپارى تۋرالى جارلىققا قول قويدى. كوپتەگەن تارماقتار قاراستىرىلعان. قازىر بۇل باستامالاردى جۇزەگە اسىرۋ جۇمىستارى ءجۇرىپ جاتىر. سوڭعى ىسكە اسىرىلعان باستامالاردان مىسال رەتىندە ايتا الامىن, پرەزيدەنت ءوز ۋاقىتىندا بارلىق ينستانتسيالار, پوليتسيا مەكەمەلەرى بەينەباقىلاۋ جۇيەسىمەن قامتىلۋى ءتيىس دەگەن تاپسىرما بەرگەن بولاتىن. بۇل ايتارلىقتاي اۋقىمدى جۇمىس. سونىمەن قاتار, پرەزيدەنت سوقىر ايماقتاردى جابدىقتاپ قانا قويماي, ولارعا جول بەرمەۋ تۋرالى تاپسىرما بەردى. قازىر بۇل جۇمىس باستالىپ كەتتى», دەپ ءتۇسىندىردى ەرلان قارين.
ونىڭ ايتۋىنشا, ۇكىمەت 2021 جىلعا ارنالعان بيۋدجەتتى ماقۇلدادى. پوليتسيا مەكەمەلەرى, پوليتسيا دەپارتامەنتتەرى ءۇشىن جەرگىلىكتى بيۋدجەتتەن قاراجات ءبولىندى.
«باتىس قازاقستان وبلىسىندا بۇل جۇمىس اياقتالدى. قاراجات ءبولىندى, كامەرالار ورناتىلدى. جىل سوڭىنا دەيىن بارلىق پوليتسيا دەپارتامەنتتەرى بەينەباقىلاۋ جۇيەسىمەن قامتىلادى دەپ كۇتىلۋدە, بۇل 16 مىڭنان استام كامەرا», دەدى ە.قارين.
