تۇجىرىمدامانىڭ نەگىزگى ماقساتى - رەسپۋبليكا ازاماتتارىنىڭ دەنساۋلىعى مەن ءال-اۋقاتى ءۇشىن ەلدىڭ سۋ رەسۋرستارىن ساقتاۋ جانە ۇتىمدى پايدالانۋ, ەكونوميكا سالالارى مەن قورشاعان ورتا قاجەتتىلىگىنىڭ تەڭگەرىمىن قامتاماسىز ەتۋ پروبلەمالارىن شەشۋ.
تۇجىرىمداما سۋ رەسۋرستارىن ينتەگراتسيالانعان باسقارۋ پراكتيكاسىن جاقسارتۋ جانە ەلدى دامىتۋدىڭ 2025 جىلعا دەيىنگى ۇلتتىق جوسپارىندا ايقىندالعان ماقساتتارعا, مىندەتتەر مەن تاسىلدەرگە جانە بىرىككەن ۇلتتار ۇيىمىنىڭ ورنىقتى دامۋ ماقساتتارىنا قول جەتكىزۋگە باعىتتالعان سۋ قورىن پايدالانۋ مەن قورعاۋ سالاسىنداعى مەملەكەتتىك ساياساتتى ىسكە اسىرۋ ءۇشىن نەگىز بولادى.
«سۋ رەسۋرستارىن باسقارۋ جۇيەسىندەگى قالىپتاسقان جاعداي سۋ رەسۋرستارىن باسقارۋ بارلىق دەڭگەيلەردە ءبىرتۇتاس بولىپ تابىلاتىن ينتەگراتسيالانعان ءتاسىلدى ەنگىزۋ ەسەبىنەن مەملەكەتتىڭ سۋ شارۋاشىلىعى ساياساتىن تۇبەگەيلى جەتىلدىرۋدى تالاپ ەتەدى», دەلىنگەن قۇجاتتا.
ەكونوميكالىق دامىعان ەلدەردەگى جاڭا سۋ پاراديگماسى «رەسۋرستى باسقارۋمەن» قاتار سۋعا دەگەن سۇرانىستى باسقارۋدى, اتاپ ايتقاندا سۋدى ۇنەمدەۋ جانە سۋدى پايدالانۋ تيىمدىلىگىن ارتتىرۋ ارقىلى بىردەي قاجەتتىلىكتەردى قاناعاتتاندىرۋ ءۇشىن سۋدىڭ از مولشەرىن پايدالانۋدى كوزدەيدى.
سۇرانىستى باسقارۋ پراكتيكاسى سۋدى ۇنەمدەۋدىڭ ماتەريالدىق ىنتالاندىرۋلارىن, وزىق تەحنولوگيالاردى, قوعامدىق وقىتۋدى قامتيدى, بۇل تيىمدىلىكتى ارتتىرۋعا, سۋدى ۇنەمدەۋگە جانە سۋدى قايتا پايدالانۋعا اكەلەتىن يننوۆاتسيالارعا تۇرتكى بولادى.
سۋ رەسۋرستارى بۇكىل سۋ ەكوجۇيەسىنىڭ تۇتاستىعىن ساقتاي وتىرىپ, ەكوجۇيەنىڭ باسقا كومپونەنتتەرىمەن بىرلىكتە قاراستىرىلادى.
سۋ رەسۋرستارىن باسقارۋدىڭ ەكولوگيالىق اسپەكتىلەرى ەكى باعىتتا ىسكە اسىرىلادى: سۋدىڭ زياندى اسەرىن بولدىرماۋ (سۋ تاسقىنى, سۋ باسۋ) جانە سۋعا تابيعات تالاپتارىن ساقتاۋ.
بۇدان باسقا, تۇجىرىمدامانى ىسكە اسىرۋ جونىندەگى ءىس-قيمىل جوسپارى ازىرلەندى.
قۇجاتتار 16 قاراشاعا دەيىن كوپشىلىك تالقىلاۋى ءۇشىن «اشىق نقا» سايتىندا ورنالاستىرىلعان.
