«كۇنى كەشە باسقارماداعى قىزمەتىمدى اياقتادىم. ءبىرىنشى كەزەكتە وسى لاۋازىمدى ۇسىنىپ, سەنىم ارتقان, مەملەكەتتىك قىزمەتتە ءوزىمدى سىناپ كورۋگە مۇمكىندىك بەرگەن قالا باسشىسىنا ريزاشىلىعىمدى بىلدىرەمىن. سەگىز ايعا سوزىلعان قىزمەتىمدە اۋىز تولتىرىپ ايتارلىقتاي بىراز ىستەر اتقارىلدى... مەكتەپ پەن بۇكىل قالانىڭ ءبىلىم سالاسىن باسقارعان تاجىريبەمىزبەن العا قاراي جىلجي بەرەمىز. وسى ارالىقتا مەكتەپتەگى بالالاردىڭ يگىلىگى, ساپالى ءبىلىم مەن وقۋشى مەن وقىتۋشىعا قولايلى جاعداي جاساۋدىڭ ماڭىزى جونىندە بىرقاتار سالماقتى وي-يدەيالار كەلدى. سوندىقتان جاڭا جوبا وزىندىك تاجىريبەمدى تاراتۋعا باعىتتالادى. بۇل ورايدا اتالعان جوبادا ءار بالانىڭ دامۋ پوتەنتسيالىنا ەرەكشە ءمان بەرىلەتىنىن ايتا كەتەيىن», دەپ جازدى شاكارىم سەيسەنباي.
ەسكە سالا كەتەيىك, شاكارىم سەيسەنباي بۇل قىزمەتكە اقپان ايىندا عانا تاعايىندالعان بولاتىن.
بۇعان دەيىن ول 26 جاسىندا قالاداعى №54 مەكتەپ-ليتسەيدى باسقارىپ, ەلىمىزدەگى ەڭ جاس ديرەكتور اتانعان.
