پوليتسيا دەپارتامەنتىنىڭ ءباسپاسوز قىزمەتى جىل باسىنان بەرى جىلدامدىق رەجيمىن بۇزۋدىڭ كەسىرەنەن ءتورت ادامنىڭ جاراقات العانى تۋرالى اقپارات تاراتتى.
پوليتسيا قىزمەتكەرلەرى جىلدامدىقتى ارتتىرۋعا قۇمار جۇرگىزۋشىلەردى رەيدتەر جانە جەدەل-پروفيلاكتيكالىق ءىس-شارالار كەزىندە انىقتاعان. كوبىنەسە جۇرگىزۋشىلەر قالاداعى جامبىل مەن ع. مۇسىرەپوۆ كوشەلەرىنىڭ قيىلىسىندا رۇقسات ەتىلگەن جىلدامدىقتان اسىرىپ جىبەرەدى ەكەن. بۇل ايماقتان 518 بۇزۋشىلىق انىقتالدى. جىل باسىنان بەرى جىلدامدىق ولشەگىشتەردىڭ كومەگىمەن 1431 كولىكتى جىلدام جۇرگىزەتىن ازامات جاۋاپقا تارتىلدى.
«ەلدى مەكەندەردە كولىك قۇرالدارىنىڭ ءتيىستى جول بەلگىلەرىمەن بەلگىلەنگەن, ساعاتىنا 90 شاقىرىمنان اسپايتىن ارنايى قوزعالىس رەجيمدەرىن قوسپاعاندا, ساعاتىنا 60 شاقىرىمنان اسپايتىن جىلدامدىقپەن جۇرۋىنە رۇقسات ەتىلەدى. تۇرعىن اۋداندار مەن اۋلا اۋماقتارىندا ساعاتىنا 20 شاقىرىم جىلدامدىقتان اسىرۋعا بولمايدى. بىراق مۇنى كوبىسى ەسكەرە بەرمەيدى» دەيدى جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ ماسەلەنىڭ ءمان-جايىن ءتۇسىندىرىپ.
