سقو سىبايلاس جەمقورلىققا قارسى قىزمەتتىڭ باسشىسى جارقىن عالىموۆ وسى فاكتىگە قاتىستى رەسمي جاۋاپ بەرىپ, قىزىلجار اۋداندىق مەملەكەتتىك كىرىستەر باسقارماسىنىڭ باسشىسى مەرەكە اعاجانوۆقا قاتىستى سوتقا دەيىنگى تەرگەۋ ءجۇرىپ جاتقانىن راستادى. مەملەكەتتىك قىزمەتشى ايتارلىقتاي سومادا پارا الدى دەگەن كۇدىككە ىلىنگەن.
«پەتروپاۆل قالالىق مامانداندىرىلعان تەرگەۋ سوتى كۇدىكتى م.اعاجانوۆقا قاتىستى قاماۋدا ۇستاۋ تۇرىندەگى بۇلتارتپاۋ شاراسىن سانكتسيالادى. قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريالانبايدى», دەلىنگەن سىبايلاس جەمقورلىققا قارسى قىزمەتتىڭ جاۋابىندا.
