ءىسساپارى كەزىندە ۆەدوموستۆو باسشىسى ايماقتاعى «اۋىل – ەل بەسىگى», «جۇمىسپەن قامتۋدىڭ جول كارتاسى» مەملەكەتتىك باعدارلاماسىمەن ىسكە اسقان الەۋمەتتىك نىسانداردى ارالاپ كوردى.
وبلىس اكىمى گۇلشارا ابدىقالىقوۆا مينيسترگە مەملەكەتتىك باعدارلامالاردىڭ وڭىردە ىسكە اسىرىلۋى بارىسىن ايتىپ, جوبالاردىڭ تيىمدىلىگىنە توقتالدى.
ماسەلەن, 2019 جىلى باستاۋ العان «اۋىل – ەل بەسىگى» ارقىلى جالاعاش پەن جوسالىدا 31 جوبانى جۇزەگە اسىرۋعا رەسپۋبليكالىق بيۋدجەتتەن 1,7 ملرد تەڭگە ءبولىنىپ, تولىعىمەن يگەرىلدى. ونىڭ ىشىندە 4 مەكتەپ, 1 ەمحانا, 5 مادەنيەت نىسانى, جالپى ۇزىندىعى 28,6 شاقىرىمدى قۇرايتىن 21 اۋىلىشىلىك كوشەلەر جوندەلگەن.
مينيستر ەڭ اۋەلى قىزىلوردا قالاسىنداعى بايتەرەك تۇرعىن اۋدانىندا «جۇمىسپەن قامتۋدىڭ جول كارتاسى 2020-2021» باعدارلاماسى اياسىندا سالىنىپ جاتقان مەكتەپتىڭ قۇرىلىس جۇمىسىمەن تانىستى. 600 ورىندى قامتيتىن ءبىلىم مەكەمەسىنىڭ قۇرىلىسى كەلەر جىلى اياقتالادى. بۇگىندە قۇرىلىس الاڭىنا 40-تان استام مامان تارتىلعان. بارلىعى دا جەرگىلىكتى جەردىڭ تۇرعىندارى.
ۆەدومستۆو باسشىسى ازاماتتاردى جۇمىسپەن قامتۋ, قاجەتتى مامانداردى تارتۋ مەملەكەتتىك باعدارلامالاردى جۇزەگە اسىرۋداعى نەگىزگى مىندەتتەردىڭ ءبىرى ەكەنىن العا تارتتى. جۇمىس بارىسىندا وزىنە جۇكتەلگەن مىندەتتەردى ۋاقىتىلى جۇرگىزە الماعان مەردىگەر كومپانيالاردىڭ جاۋاپكەرشىلىگى قارالاتىنىن ايتتى.
ال ايماق باسشىسى اتالعان نىساننىڭ ەرەكشە باقىلاۋدا ەكەنىن تىلگە تيەك ەتتى. سەبەبى قالا شەكاراسىنىڭ كەڭەيۋى مەن دەموگرافيانىڭ ءوسۋى جاڭا مەكتەپتىڭ قاجەتتىلىگىنە جول اشتى. جاڭا مەكتەپ بوي كوتەرسە, ورىن تاپشىلىعى ماسەلەسىن شەشۋگە مۇمكىندىك بەرەدى.
بۇل رەتتە وبلىس اكىمى مەملەكەتتىك باعدارلاما اياسىندا رەسپۋبليكالىق بيۋدجەتتەن بولىنگەن قارجىنىڭ ماقساتتى يگەرىلۋى قاتاڭ باقىلاۋدا ەكەنىن جەتكىزدى. سونداي-اق, نىسان قۇرىلىسىنا جاۋاپتى مەردىگەر مەكەمە باسشىسىنا جۇمىستى ساپالى ءارى ۋاقىتىندا اياقتاۋدى تاپسىردى.
ايتا كەتەيىك, مينيستر سەرىك شاپكەنوۆ وڭىرگە جاساعان ءىسساپارى كەزىندە سىرداريا, جالاعاش, قارماقشى مەن قازالى اۋداندارىنا بارادى.
