پاۆلودار وبلىستىق دەنساۋلىق ساقتاۋ باسقارماسىنىڭ حابارلاۋىنشا, ءورت دابىلى 29 قازان كۇنى ساعات 03:36-دا وبلىستىق بالالار اۋرۋحاناسىنىڭ عيماراتىندا ىسكە قوسىلعان.
«قىزمەتكەرلەر بولعان وقيعا تۋرالى ءورت ءسوندىرۋ قىزمەتىنە جانە جەدەل مەديتسينالىق كومەك قىزمەتىنە, سونداي-اق وقيعا ورنىنا شۇعىل كەلگەن اۋرۋحانا باسشىلىعىنا حابارلادى. وقيعا ورنىنا كەلگەن سوڭ, نۇركين كوشەسى, 75 مەكەنجايىنداعى ينفەكتسيالىق ستاتسيوناردىڭ «ا» كورپۋسىنداعى 1-ءشى بولىمشەنىڭ ءبىرىنشى قاباتىنداعى سانيتارلىق وتكىزۋ پۋنكتىندە ءتۇتىن وشاعى تابىلدى, سونىڭ ناتيجەسىندە دالىزدە ءتۇتىن شىقتى», دەپ حابارلادى پاۆلودار وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.
ۆەدومستۆودا «پالاتالاردا ءتۇتىن بولعان جوق, سەبەبى ولار بوكس تۇرىندە جوبالانعان» دەپ سەندىردى.
«وقيعاعا دەيىن ءبىر جارىم ساعات بۇرىن «پرەك» جشس بالانسىنداعى تپ-463-تەن بەرىلەتىن ينفەكتسيالىق ستاتسيوناردا ەلەكتر ەنەرگياسى اجىراتىلدى. اۆاريالىق بريگادا شاقىرىلدى. مۇمكىن, بۇل وقيعا ەلەكتر جەلىسىندەگى كەرنەۋدىڭ تومەندەۋىنە سەبەپ بولعان شىعار», دەيدى ۆەدومستۆونىڭ ءباسپاسوز قىزمەتى.
وبلىستىق دەنساۋلىق ساقتاۋ باسقارماسىنىڭ مالىمەتىنشە, ناۋقاستار «ا» كورپۋسىنان 150 م جەردە ورنالاسقان «ب» كورپۋسىنا قاۋىپسىز جەرگە جەدەل كوشىرىلدى.
ناتيجەسىندە, 112 بالا, 76 كۇتىم تۇلعالارى ەۆاكۋاتسيالاندى. ءورت سالدارىنان زارداپ شەككەندەر جوق.
