ۇكىمەت • 28 قازان، 2021

باعدات مۋسين HUAWEI-مەن كەلىسىم جاسادى

45 رەت كورسەتىلدى

قازاقستانداعى تەحنولوگيالار، بيزنەس جانە كرەاتيۆتى ەكونوميكاعا ارنالعان Digital bridge حالىقارالىق فورۋمى اياسىندا قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن HUAWEI اراسىنداعى ءوزارا تۇسىنىستىك تۋرالى مەموراندۋمعا قول قويىلدى، دەپ جازادى Egemen.kz.

بۇل قۇجات اقپاراتتىق-كوممۋنيكاتسيالىق تەحنولوگيالار بويىنشا سەرىكتەستىككە، سونىڭ ىشىندە ەكونوميكا سالاسىن تسيفرلاندىرۋ ءۇردىسىن كۇشەيتۋگە، اقپاراتتىق-كوممۋنيكاتسيالىق ينفراقۇرىلىمدى دامىتۋعا جانە ەلىمىزدىڭ عىلىمي-زەرتتەۋ الەۋەتىن ارتتىرۋعا باعىتتالعان.

مەموراندۋم مىناداي باعىتتاردى قامتيدى:

  • ەلىمىزدە، اسىرەسە شالعاي اۋىلدار ءۇشىن اسا جىلدام ءارى قولجەتىمدى ۇلتتىق كەڭجولاقتى جەلى جاساۋ، سونداي-اق ەكونوميكا سالالارىن تسيفرلاندىرۋ ءۇشىن پلاتفورمالىق شەشىمدەر مەن جاڭا بۋىننىڭ بايلانىسىن ەنگىزۋدى جىلدامداتۋ ماقساتىندا بىرىگە جۇمىس ىستەۋ;
  • جاڭا تەحنولوگيالار مەن شەشىمدەر ارقىلى تسيفرلىق جىبەك جولىنىڭ كوممۋنيكاتسيالىق ينفراقۇرىلىمىن بىرىگىپ دامىتۋ;
  • ءبىلىم بەرۋ قىزمەتى، سونىڭ ىشىندە ءبىلىم مودۋلدەرى، اكت سالاسىنداعى تالانتتاردى دامىتۋ باعدارلامالارى، عىلىمي كەڭەس پەن مامانداردى وقىتۋ بويىنشا تاجىريبە الماسۋ;
  • كومپانيا تاجىريبەسى نەگىزىندە قازاقستاننىڭ عىلىمي-تەحنيكالىق الەۋەتىن دامىتۋ بويىنشا زەرتتەۋلەردى بىرگە جۇرگىزۋ.

«بۇل مەموراندۋم 5G، Smart City، IoT جانە يندۋستريا 4.0، ءىت-سالاداعى ادامي كاپيتالدىڭ ساپاسىن كوتەرۋ جانە ت.ب. سالالار بويىنشا سەرىكتەستىكتىڭ باستاۋى بولماق، اسىرەسە «تسيفرلاندىرۋ، يننوۆاتسيالار جانە عىلىم ەسەبىنەن تەحنولوگيالىق سەرپىلىس» ۇلتتىق جوباسىن جۇزەگە اسىرۋ بارىسىندا ماڭىزدىلىعى ايقىندالا تۇسپەك»، دەدى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين.

كەلىسىم جايلى سەو Huawei Technologies Kazakhstan چجان تسينگو ءوز ويىن ايتتى.

«اقپاراتتىق-كوممۋنيكاتسيالىق تەحنولوگيالار سالاسىنداعى سەرىكتەستىك ەكونوميكالىق وسىمگە، بيزنەستىڭ حالىقارالىق باسەكەلەستىگىن ارتتىرۋعا جانە ادامي كاپيتالدى دامىتۋعا اسەر ەتىپ، ەلدىڭ ىشكى جانە سىرتقى نارىعىن نىعايتادى. Huawei كومپانياسى جاڭا بۋىن بايلانىسىن جىلدام تاراتىپ، ەكونوميكا سالالارىن تسيفرلاندىرۋعا ارنالعان پلاتفورمالىق شەشىمدەردى جەدەل ەنگىزۋ ءۇشىن ءوز ساراپتاماسىن، حالىقارالىق تاجىريبەسىن جانە جوعارى تەحنولوگيالارىن ۇسىنۋعا دايىن»، دەدى ول.

ءوزارا تۇسىنىستىك تۋرالى مەموراندۋم اقپاراتتىق-كوممۋنيكاتسيالىق ينفراقۇرىلىم مەحانيزمدەرىن جەتىلدىرۋگە، ەلدەگى تەلەكوممۋنيكاتسيا جانە ەكونوميكا سالاسىن دامىتۋعا جول اشىپ، قر تسيفرلىق ەكونوميكاسىن دامىتۋ ماقساتىنداعى عىلىمي زەرتتەۋلەر ءۇشىن دەرەكتەر الماسۋعا مۇمكىندىك بەرەدى.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار