قازاقستان • 28 قازان، 2021

سەرىك شاپكەنوۆ «ەڭبەك - ەلدىڭ مۇراتى» ارنايى جوباسى تۋرالى ايتتى

122 رەت كورسەتىلدى

قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ «ەڭبەك – ەلدىڭ مۇراتى» ارنايى جوباسى تۋرالى ايتىپ بەردى، دەپ حابارلايدى Egemen.kz.

«جالپىعا ورتاق ەڭبەك قوعامىنا قاراي» رەسپۋبليكالىق فورۋمىندا ءسوز سويلەگەن ەڭبەك ءمينيسترى ەڭبەك قۇندىلىعى مەملەكەتتىڭ الەۋمەتتىك-ەكونوميكالىق ءوسۋى مەن حالىقتىڭ ءال-اۋقاتىنىڭ باستى قۇرامداس بولىگى ەكەنىن اتاپ ءوتتى.

«جىل باسىنان بەرى «رۋحاني جاڭعىرۋ» باعدارلاماسى اياسىندا ءبىزدىڭ مينيسترلىك «ەڭبەك – ەلدىڭ مۇراتى» ارنايى جوباسىن ىسكە اسىرۋدا، ونىڭ ماقساتى - قاجىرلى ەڭبەكتىڭ ارقاسىندا جەتىستىككە جەتكەن ادامداردىڭ بەدەلىن ارتتىرۋ ارقىلى وسكەلەڭ ۇرپاقتىڭ ەڭبەكقورلىعىن تاربيەلەۋ. ارنايى جوبانى ساپالى جۇزەگە اسىرۋ ماقساتىندا مەن ناقتى ءىس-شارالار جوسپارىن بەكىتتىم»، دەدى سەرىك شاپكەنوۆ.

ونىڭ ايتۋىنشا، بۇگىندە ەلىمىزدىڭ جالپى ءبىلىم بەرەتىن وقۋ ورىندارىندا ەڭبەك ارداگەرلەرى مەن وتكەن جىلدارداعى «ەڭبەك جولى» كونكۋرسىنىڭ وڭىرلىك كەزەڭدەرىنىڭ جەڭىمپازدارىن تارتا وتىرىپ، «سەنىڭ تاڭداۋىڭ» جۇمىسپەن قامتۋ ساباقتارى وتكىزىلۋدە، كاسىپورىندار مەن وندىرىستەردە وقۋشىلار ءۇشىن اشىق ەسىك كۇندەرى ۇيىمداستىرىلۋدا. تەلەديدار مەن الەۋمەتتىك جەلىلەردە ەڭبەك اۋلەتتەرى، ۇنەمى جاڭا ءبىلىم مەن داعدىلارعا ۇيرەنىپ جۇرگەن ادامدار، سونداي-اق تاۋەلسىز قازاقستاننىڭ قالىپتاسۋىنا ەلەۋلى ۇلەس قوسقان ادامدار تۋرالى حابارلار ۇيىمداستىرىلدى.

«مەملەكەت باسشىسى ءوزىنىڭ قىركۇيەك ايىنداعى جولداۋىندا باستى مىندەتتەردىڭ ءبىرى جاستاردىڭ بويىندا پاتريوتيزم، بىلىمگە ۇمتىلۋ، ەڭبەكسۇيگىشتىك، ىنتىماقتاستىق جانە جاۋاپكەرشىلىك سياقتى جالپىادامزاتتىق قۇندىلىقتاردى دارىتۋ بولىپ تابىلاتىنىن اتاپ ءوتتى. بۇل مىندەتتى جۇزەگە اسىرۋدا ءبىزدىڭ جاستارىمىزبەن كۇندەلىكتى ومىرلىك تاجىريبەسى مەن كاسىبيلىگىمەن بولىسەتىن اعا ۇرپاققا، تالىمگەرلەرگە ماڭىزدى ءرول بەرىلەدى»، دەپ اتاپ ءوتتى مينيستر.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار