ونەر • 28 قازان، 2021

Junior Eurovision-2021 ىرىكتەۋ فينالى 6 قاراشادا باستالادى

50 رەت كورسەتىلدى

Junior Eurovision-2021 ۇلتتىق ىرىكتەۋى فينالى 6 قاراشادا وتەدى، دەپ حابارلايدى Egemen.kz.

بالالاردى دايىنداۋدىڭ باعدارلاماسى جاتتىعۋ ساباقتارى، فوتوسەسسيا، تانىمال ارتىستەردىڭ شەبەرلىك سىنىپتارىنا قاتىسۋ جانە ەلوردانىڭ كورنەكى جەرلەرىنە ەكسكۋرسيالارعا بارۋ سياقتى شارالاردى قامتيدى. جاقىندا نۇر-سۇلتان قالاسىندا ۇلتتىق ىرىكتەۋ فيناليستەرىنىڭ كەزدەسۋى ءوتتى.

جيىنعا جينالعان جاس تالانتتار ءبىر-بىرىمەن تانىسىپ، وتكەن جىلداردىڭ جەڭىمپازدارى - ەرجان ماكسيم مەن قاراقات باشانوۆامەن جۇزدەستى.

«بالالارمەن ۆوكال، اكتەرلىك شەبەرلىك جانە حورەوگرافيا بويىنشا پەداگوگتار اينالىساتىن بولادى. مۋزىكالىق ماتەريالمەن جۇمىس جاساۋ بارىسىندا قاتىسۋشىلار وزدەرى ءۇشىن جاڭا مۇمكىندىكتەر مەن ستيلدەردى اشاتىنىنا سەنىمدىمىن. الدىمىزدا جوبا فورماتىنا سايكەس كەلەتىن اندەردى تاڭداپ قانا قويماي، بالانىڭ ۆوكالدىق قابىلەتىن بارىنشا اشاتىن كومپوزيتسيانى جاساۋ سياقتى ماڭىزدى مىندەتتەر تۇر»، دەدى جوبانىڭ مۋزىكالىق پروديۋسەرى حاميت شاڭعاليەۆ.

بيىل Junior Eurovision-2021 ۇلتتىق ىرىكتەۋىنە 9-14 جاس ارالىعىنداعى 819 بالا ءوتىنىم بەردى. ولاردىڭ اراسىنان قازىلار القاسى 30 قاتىسۋشىنى ىرىكتەپ الدى. كەلەسى كەزەڭدە قاتىسۋشىلارعا بارشا قازاق حالقى داۋىس بەردى.

قازاقستاندىقتار پاريجدەگى Junior Eurovision-2021 بايقاۋىندا ەلىمىزدى تانىستىرۋ قۇقىعى ءۇشىن باق سىنايتىن 10 كانديداتتى تاڭدادى.

ايتا كەتسەك، ۇلتتىق ىرىكتەۋدىڭ تىكەلەي كورسەتىلىمى 6 قاراشا كۇنى «حابار» تەلەارناسىندا وتەدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار